കുഞ്ഞ് ആര്യനൊപ്പം കളിച്ചും, ചിരിച്ചും സുരേഷ്ഗോപി: ഇത്ര സിംപിളാ’ണോയെന്ന് ആരാധകർ

മലയാള സിനിമാ പ്രേമികളുടെ സൂപ്പർ ആക്ഷൻ ഹീറോ ആണ് സുരേഷ് ഗോപി. സിനിമയിൽ മാത്രമല്ല ജീവിതത്തിലും ഒരു സൂപ്പർ ആക്ഷൻ ഹീറോ തന്നെയാണെന്ന് പലപ്പോഴും തെളിഞ്ഞിട്ടുണ്ട്. പലപ്പോഴും പാർലമെന്റിലായാലും, സിനിമയിലായാലും എതിരാളികളെ വെള്ളം കുടിപ്പിക്കുന്ന എംപിയാണോ ഇതെന്ന് തോന്നിപ്പിക്കുന്ന ക്യൂട്ട് വീഡിയോ എല്ലാവരിലും ഞെട്ടലും ഉണ്ടാക്കിയിട്ടുണ്ട്.

ഇപ്പോഴിതാ അതുപോലെ ഗായകനും സംഗീത സംവിധായകനുമായ അരുൺ ഗോപന്റെ മകൻ ആര്യൻ ഗോപനൊപ്പം കളിയ്ക്കുന്ന സുരേഷ് ഗോപിയുടെ ഒരു ക്യൂട്ട് വിഡിയോയാണ് സമൂഹമാധ്യമങ്ങളിൽ വൈറലാകുന്നത്. അരുൺ ഗോപന്റെ കൈയിലിരിക്കുന്ന ആര്യനെ കളിപ്പിക്കുകയാണ് സുരേഷ് ഗോപി എംപി. വിഡിയോയിൽ അരുൺ ഗോപന്റെ ഭാര്യ നിമ്മിയുമുണ്ട്.

ഇതോടെ ഈ മനോഹരമായ വിഡിയോ ആരാധകരും ഏറ്റെടുത്തു.‘നല്ലൊരു മനസിന്റെ ഉടമയും. നല്ലൊരു മനുഷ്യനും’, ‘സുരേഷ് ഗോപി നാട്യങ്ങൾ ഇല്ലാത്ത മലയാളികളുടെ സൂപ്പർ സ്റ്റാർ’ എന്നൊക്കെയാണ് ദൃശ്യത്തിനു താഴെയുള്ള ആരാധകരുടെ കമന്റുകൾ.

അരുൺ ഗോപനും നിമ്മിയും മലയാളി പ്രേക്ഷകർക്ക് സുപരിചിതയാണ്. അരുൺ ഗോപനും നിമ്മിയും മകന്റെ ചിത്രങ്ങളും വീഡിയോകളും വിശേഷങ്ങളുമൊക്കെ പങ്കുവയ്‌ക്കാറുണ്ട്. മ്യൂസിക് റിയാലിറ്റി ഷോയിലൂടെയെത്തി മലയാളികളുടെ മനം കവർന്ന ഗായകനാണ് അരുൺ ഗോപൻ. നിമ്മി സീരിയൽ നടിയാണ്.