യെമനിലെ ജയിലിൽ വധശിക്ഷയ്ക്ക് വിധിക്കപ്പെട്ട് കഴിയുന്ന മലയാളി നഴ്സ് നിമിഷപ്രിയയുടെ ശിക്ഷ ഒഴിവാക്കാനുള്ള ശ്രമങ്ങൾ തുടരുന്നതിനിടെ കൊല്ലപ്പെട്ട യെമൻ പൗരന്റെ കുടുംബം നിലപാട് കടുപ്പിക്കുന്നതായി വിവരം. കടുത്ത നിലപാടുമായി തലാല് അബ്ദോ മെഹ്ദിയുടെ സഹോദരന്റെ പോസ്റ്റ് പുറത്തു വന്നതോടെയാണ് ഇക്കാര്യത്തിൽ ആശങ്കയേറുന്നത്. അറബിയിലും മലയാളത്തിലും പങ്കുവച്ച പോസ്റ്റിൽ തങ്ങളുടെ കുടുംബം ഇതുവരെ ആരെയും കണ്ടിട്ടില്ലെന്നും ആരുമായി സംസാരിച്ചിട്ടും വിളിച്ചിട്ടുമില്ലെന്നും അബ്ദുല് ഫത്താഹ് മഹ്ദി വ്യക്തമാക്കി.
അബ്ദുല് ഫത്താഹിന്റെ പോസ്റ്റ് ഇങ്ങനെ:
“ഞങ്ങളുടെ കുടുംബം ഇതുവരെ ആരെയും കണ്ടിട്ടില്ല, ആരുമായി പോലും സംസാരിച്ചിട്ടില്ല, വിളിച്ചുമില്ല. ഇത് വരെ നമുക്ക് മാദ്ധ്യമങ്ങളിലൂടെ മാത്രമേ അറിയാവുന്നതായും ഇതെല്ലാം തെറ്റായ വാര്ത്തകളും പച്ചക്കളികളും മാത്രമാണെന്നും വ്യക്തമാക്കുന്നു. ഞങ്ങളുടെ നിലപാട് ഇപ്പോഴും അതേപോലെയാണ്. ഞങ്ങള് കൂടുതല് ആഗ്രഹിക്കുന്നതു ശിക്ഷയുടെ നടപ്പാക്കലാണ്.”
നേരത്തെ കേരളത്തിലെ മാദ്ധ്യമങ്ങളെ വിമർശിച്ചും അബ്ദുല് ഫത്താഹ് മഹ്ദി പോസ്റ്റ് പങ്കുവച്ചിരുന്നു
“ഇതുവരെ ഇന്ത്യന് മീഡിയ, പ്രത്യേകിച്ചും കേരള മീഡിയ, കുറ്റക്കാരിയായ നിമിഷ പ്രിയയെ കുറ്റവാളിയെന്നതിനു പകരം ഒരു പാവമെന്ന നിലയില് ചിത്രീകരിക്കാന് ശ്രമിക്കുന്നു. അവള് നടത്തിയ അതിക്രമവും, ക്രൂരവും, മനുഷ്യത്വരഹിതവുമായ കുറ്റകൃത്യം ഇവര് അകറ്റുകയും ഒതുക്കുകയും ചെയ്യുന്നു. ഞങ്ങള് പൊതുജനങ്ങളെ പറഞ്ഞു കൊടുക്കുന്നു: ഇന്ത്യന് മീഡിയയില് പ്രചരിക്കുന്ന പ്രചാരണങ്ങള് സത്യം മാറ്റുന്നില്ല. മറിച്ചും, അതിനാല് ഞങ്ങളുടെ നിലപാട് കൂടുതല് ശക്തമാകുന്നു – കുറ്റവാളിക്കെതിരെയുള്ള വിധിയാകുന്ന ഖത്തല്ശിക്ഷ നടപ്പാക്കപ്പെടണം എന്നത് ഞങ്ങളുടെ അവകാശമാണ്.” – പോസ്റ്റിൽ അബ്ദുല് ഫത്താഹ് മഹ്ദി പറയുന്നു.
പ്രിയ കുറ്റക്കാരിയല്ലെന്ന് വരുത്താനായി മലയാള മാദ്ധ്യമങ്ങള് ശ്രമിക്കുന്നതാണ് തലാലിന്റെ കുടുംബത്തെ ചൊടിപ്പിക്കുന്നതെന്നാണ് വിവരം
