തളിപ്പറമ്പിൽ 1,045 ഗ്രാം മാരക മയക്കുമരുന്നായ എംഡിഎം മുമായി കുപ്പം മുക്കുന്ന് സ്വദേശി പിടിയിൽ

കണ്ണൂർ: തളിപ്പറമ്പിൽ 1,045 ഗ്രാം എംഡിഎം മുമായി കുപ്പം മുക്കുന്ന് സ്വദേശി പിടിയിൽ. മാരക മയക്കുമരുന്നായ എം. ഡി. എം. എയുമായി തളിപ്പറമ്പ് കുപ്പം മുക്കുന്ന് സ്വദേശി പി.നദീറിനെയാണ് എക്സൈസ് സംഘം അറസ്റ്റു ചെയ്തത്. കുപ്പം അടിക്കും പാറയിൽ വെച്ച് എക്സൈസ് ഇൻസ്പെക്ടർ എൻ. വൈശാഖും സംഘവും നടത്തിയ റെയ്ഡിലാണ് യുവാവ് ബൈക്കുമായി പിടിയിലായത്.

മയക്കുമരുന്ന് കടത്താൻ ഉപയോഗിച്ച ആഡംബര ബൈക്കും കസ്റ്റഡിയിലെടുത്തിട്ടുണ്ട്. തളിപ്പറമ്പ് മേഖലയിൽ മയക്കുമരുന്ന് വിതരണം ചെയ്യുന്ന റാക്കറ്റിലെ കണ്ണിയാണ് ഇയാളെന്നു എക്സൈസ് അറിയിച്ചു. പിടിയിലായ യുവാവിനെ ചോദ്യം ചെയ്തുവരികയാണ്. മംഗളൂരിൽ നിന്നാണ് ഇയാൾ മാരകമയക്കുമരുന്നായ എം.ഡി. എം. എ എത്തിച്ചതെന്നാണ് എക്സൈസിന്റെ പ്രാഥമിക നിഗമനം.

തളിപ്പറമ്പ് മേഖലയിലെ വിദ്യാർത്ഥികൾ ഉൾപ്പെടെയുള്ളവർക്ക് മയക്കുമരുന്നെത്തിച്ചു കൊടുത്തിരുന്ന യുവാവ് ഏറെക്കാലമായി എക്സൈസ് നിരീക്ഷണത്തിലായിരുന്നു.ശനിയാഴ്‌ച്ചവൈകുന്നേരം ആറുമണിയോടെയാണ് യുവാവ് വാഹനപരിശോധനയ്ക്കിടെ കുടുങ്ങുന്നത്.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona