തമിഴ് താരം ആർതി ബിജെപിയിൽ ചേർന്നു; ജയലളിതയുടെ വിയോഗത്തിന് ശേഷം തമിഴ്നാട് കാണുന്ന മികച്ച നേതാവ് അണ്ണാമലൈയാണെന്നും ആർതി

ചെന്നൈ: തമിഴ് താരം ആർതി ബിജെപിയിൽ ചേർന്നു. കോയമ്പത്തൂരിൽ നടന്ന പരിപാടിയിൽ പാർട്ടി സംസ്ഥാന അദ്ധ്യക്ഷൻ അണ്ണാമലൈയുടെ സാന്നിധ്യത്തിലാണ് ആർതിയും ഭർത്താവ് ഗണേഷും ബിജെപിയിൽ ചേർന്നത്.

ലോക്‌സഭാ തെരഞ്ഞെടുപ്പിൽ ബിജെപിക്കും സഖ്യകക്ഷികൾക്കും പിന്തുണ പ്രഖ്യാപിച്ച് ഇരുവരും പ്രചാരണം നടത്തുന്നുണ്ട് . ”കരുണാനിധിയും ജയലളിതയും ഇന്ന് ഉണ്ടായിരുന്നെങ്കിൽ, വൈദഗ്‌ദ്ധ്യം, വീര്യം, ധൈര്യം, ആത്മവിശ്വാസം എന്നിവയുടെ കാര്യത്തിൽ അവർ അണ്ണാമലൈയെ അഭിനന്ദിക്കുമായിരുന്നു . ബിജെപി ഇന്ത്യയിലെ ഏറ്റവും വലിയ പാർട്ടിയാണ്. ഇന്ന് എന്റെ ജന്മനാട്ടിൽ ഈ പാർട്ടിയിൽ ചേരുന്നതിൽ ഞാൻ വളരെ സന്തോഷവതിയാണ്. എല്ലാ ദൈവങ്ങൾക്കും ഞാൻ നന്ദി പറയുന്നു. ഞാൻ ഒരു ഹാസ്യതാരമാണെങ്കിലും, നിങ്ങളെ ചിന്തിപ്പിക്കാൻ ഞാൻ ഇന്ന് ഇവിടെയുണ്ട്. ജയലളിതയുടെ വിയോഗത്തിന് ശേഷം അണ്ണാമലൈയെയാണ് ഒരു ജനപ്രിയനേതാവായി ഞാൻ കാണുന്നത്” എന്ന് താരം പറഞ്ഞു.