ദേശീയപാതയിൽ വാഹനാപകടം ; നിയന്ത്രണം വിട്ട കാർ ഇടിച്ച് അദ്ധ്യാപകന് ദാരുണാന്ത്യം

കോഴിക്കോട്: നിയന്ത്രണം വിട്ട കാർ ഇടിച്ച് റോഡരികിൽ നിന്നിരുന്ന അദ്ധ്യാപകന് ദാരുണാന്ത്യം. പതിമംഗലം സ്വദേശി രാജു ആണ് മരിച്ചത്. ഫറോക്ക് നല്ലൂർ നാരായണ സ്കൂളിലെ അദ്ധ്യാപകനാണ് രാജു എറണാകുളത്ത് നിന്ന് കോഴിക്കോടേക്ക് വരികയായിരുന്ന കാറാണ് നിയന്ത്രണം വിട്ട് അപകടത്തിൽപ്പെട്ടത്.

ഇയാൾ റോഡ് അരികിൽ നിൽക്കുകയായിരുന്ന സമയത്താണ് കാർ ദേഹത്തേക്ക് ഇടിച്ചു കയറിയത്. ഡ്രൈവർ ഉറങ്ങിപോയതുകൊണ്ടാവാം അപകടം സംഭവിച്ചതെന്നാണ് പ്രാഥമിക നിഗമനം. രാജുവിനെ ഉടൻതന്നെ കോഴിക്കോട് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല.