മുംബൈ : ബോര്ഡര്- ഗാവസ്കര് ട്രോഫി പരമ്പരയിലെ മോശം പ്രകടനത്തില് നടപടിയുമായി ബിസിസിഐ. പരിശീലക സംഘത്തിലെ മൂന്ന് പേരെ പുറത്താക്കി. സഹ പരിശീലകന് അഭിഷേക് നായര്, ഫീല്ഡിങ് പരിശീലകന് ടി ദിലീപ്, ട്രെയിനര് സോഹം ദേശായി എന്നിവരെയാണ് പുറത്താക്കിയത്. ബോര്ഡര്- ഗാവസ്കര് ട്രോഫിക്കിടെ ഇന്ത്യന് ഡ്രസിങ് റൂം രഹസ്യങ്ങള് ചോര്ത്തിയതടക്കമുള്ള കുറ്റങ്ങള് കണ്ടെത്തിയതിനാലാണ് ബിസിസിഐ നടപടിയെന്നും ചില റിപ്പോര്ട്ടുകളുണ്ട്. എന്നാല് ഇക്കാര്യത്തില് ബിസിസിഐ ഇതുവരെ ഔദ്യോഗിക വിശദീകരണങ്ങളൊന്നും പറഞ്ഞിട്ടില്ല.
പരമ്പരയ്ക്കിടെ ഡ്രസിങ് റൂമില് കോച്ചും താരങ്ങളും തമ്മില് നടന്ന സംഭാഷങ്ങള് ചോര്ന്നിരുന്നു. എന്നാല് പുറത്തു വന്ന കാര്യങ്ങളില് സത്യമില്ലെന്നും എല്ലാം മാദ്ധ്യമ സൃഷ്ടികളാണെന്നുമായിരുന്നു ഗംഭീര് പറഞ്ഞത്. കോച്ചും താരങ്ങളും തമ്മില് നടക്കുന്ന സംഭാഷങ്ങള് ഡ്രസിങ് റൂമില് തന്നെ നില്ക്കണമെന്നും പുറത്തു വിടരുതെന്നുമുള്ള കര്ശന താക്കീതും ഗംഭീര് താരങ്ങള്ക്കു നല്കിയിരുന്നു.
നിലവില് പരിശീലക സംഘത്തിലെ അംഗങ്ങളായ സിതാംശു കൊട്ടക്, റയാന് ടെന്ഡോഷെ എന്നിവര് പുറത്താക്കപ്പെട്ടവരുടെ ചുമതലകള് അധികമായി വഹിക്കും. സോഹത്തിനു പകരം അഡ്രിയാന് ലി റൗക്സിനെ നിയമിച്ചേക്കും. ഐപിഎല് കഴിഞ്ഞാല് അഡ്രിയാന് ടീം ക്യാംപിലെത്തും
