ദില്ലി: ഇനി നമ്മുക്ക് കാമുകിയോ, സുഹൃതിനെയോ , ലൈംഗിക പങ്കാളിയോ ആരെ വേണമെങ്കിലും സൃഷ്ടിക്കാം. പറയുന്നത് തമാശയല്ല, ഇത്തരം ഒരു വാർത്തയാണ് ടെക് ലോകത്തുനിന്ന് വരുന്നത്. നിങ്ങളുടെ സങ്കല്പത്തിലെ കാമുകിയേയും സുഹൃത്തിനെയും നിര്മിക്കാനുള്ള ആദ്യ ആപ്പുമായി രംഗത്തെത്തിയിരിക്കുകയാണ് ഹൈബ്രി എന്ന ടെക് കമ്പനി. ആര്ട്ടിഫിഷ്യല് ഇന്റലിജന്സും ഓഗ്മെന്റഡ് റിയാലിറ്റിയും വിര്ച്ച്വല് റിയാലിറ്റിയും ഉപയോഗിച്ചാണ് ആപ്പ് നിര്മിച്ചിരിക്കുന്നത്. ഉപയോക്താവുമായി നേരിട്ട് സംവദിക്കുന്ന രീതിയിലുള്ള പങ്കാളിയെ ത്രീഡിയില് നിർമ്മിക്കാൻ ആപ്പ് വഴി കഴിയും. ഇഷ്ടമുള്ള വ്യക്തികളുടെ ചിത്രങ്ങള് അപ്ലോഡ് ചെയ്തു പങ്കാളിയെ നിര്മിക്കാം. ടെംപ്ലേറ്റുകൾ വികസിപ്പിച്ച് അവരെ നിര്മിക്കാനുള്ള സൗകര്യവുമുണ്ട്. ഓഗ്മെന്റഡ് റിയാലിറ്റി, വിര്ച്ച്വല് റിയാലിറ്റി എന്നിവ ഉപയോഗിച്ച് ടൈം ട്രാവല് ചെയ്ത് മുന്കാലത്തേക്ക് എത്താം.
ഫോണിലെ ചിത്രങ്ങളും വീഡിയോകളും ടൈം ട്രാവലിനായി ഉപയോഗിക്കാം.
വൻ വിലകാരണം ഓഗ്മെന്റഡ് റിയാലിറ്റി ഗ്ലാസുകള് വാങ്ങാൻ കഴിയാത്ത സാധാരണക്കാരായ മൊബൈൽ ഉഫഭോക്താക്കളെയാണ് ലക്ഷ്യമിട്ടാണ് കമ്പനി ഇത്തരം ഒരു ആപ്പ് പുറത്തിറക്കുന്നത്. ഉപയോക്താക്കള്ക്ക് ഇഷ്ടമുള്ളവരുടെ കൂടെ സമയം ചെലവഴിക്കാന് ആപ് സഹായിക്കുമെന്നാണ് കമ്പനിയുടെ അവകാശവാദം.
കാമുകിയോ, സുഹൃത്തോ, ലൈംഗിക പങ്കാളിയോ; ഇനി ആരെ വേണമെങ്കിലും നമ്മുക്ക് സൃഷ്ടിക്കാം
