മണ്ഡലപൂജയ്ക്ക് ശബരീശ വിഗ്രഹത്തിൽ ചാർത്താനുള്ള തങ്ക അങ്കി വഹിച്ചുകൊണ്ടുള്ള ഭക്തിസാന്ദ്രമായ ഘോഷയാത്രയ്ക്ക് ആറന്മുള ക്ഷേത്ര സന്നിധിയിൽ ഭക്തിസാന്ദ്രമായ തുടക്കം; 26 ന് സംഘം പമ്പയിൽ എത്തിച്ചേരും; ഘോഷയാത്രയുടെ വർണ്ണാഭമായ ചിത്രങ്ങളും വീഡിയോകളും കാണാം

ആറന്മുള: ശബരീശ സന്നിധിയിലെ ഭക്തി സാന്ദ്രമായ മണ്ഡലപൂജയ്ക്ക് അയ്യപ്പവിഗ്രഹത്തിൽ ചാർത്താനുള്ള തങ്ക അങ്കി വഹിച്ചുകൊണ്ടുള്ള ഘോഷയാത്ര ആറന്മുള പാർത്ഥസാരഥി ക്ഷേത്രത്തിൽ നിന്ന് തുടങ്ങി. വരുന്ന 27 നാണ് 41 ദിവസത്തെ തീർത്ഥാടനകാലം അടയാളപ്പെടുത്തുന്ന മണ്ഡലപൂജ. രാ​വി​ലെ അ​ഞ്ചു മു​ത​ല്‍ ക്ഷേ​ത്രാ​ങ്ക​ണ​ത്തി​ല്‍ ത​ങ്ക അ​ങ്കി ദ​ര്‍ശി​ക്കാ​ന്‍ ഭക്തജ​ന​ങ്ങ​ള്‍ക്ക് അവസരം ഒരുക്കിയിരുന്നു

27ന്​​ ​ഉ​ച്ച​ക്കാ​ണ്​ 41 ദി​വ​സ​ത്തെ മ​ണ്ഡ​ല​കാ​ല​ത്തി​ന്​ സ​മാ​പ​നം കു​റി​ച്ച്​ സ​ന്നി​ധാ​ന​ത്ത്​ ശ്രീ​കോ​വി​ലി​ൽ ത​ങ്ക അ​ങ്കി ചാ​ര്‍ത്തി മ​ണ്ഡ​ല പൂ​ജ നടക്കുക. ഘോഷയാത്രയുടെ ആ​ദ്യ​ദി​വ​സം രാ​ത്രി നെ​ടും​പ്ര​യാ​ര്‍ തേ​വ​ല​ശ്ശേ​രി ദേ​വി ക്ഷേ​ത്ര​ത്തി​ലും ര​ണ്ടാം ദി​വ​സം ഓ​മ​ല്ലൂ​ര്‍ ശ്രീ ​ര​ക്ത​ക​ണ്ഠ​സ്വാ​മി ക്ഷേ​ത്ര​ത്തി​ലും മൂ​ന്നാം ദി​വ​സം കോ​ന്നി മു​രി​ങ്ങ​മം​ഗ​ലം ക്ഷേ​ത്ര​ത്തി​ലും നാ​ലാം ദി​വ​സം പെ​രു​നാ​ട് ശാ​സ്താ ക്ഷേ​ത്ര​ത്തി​ലു​മാ​ണ്​ രാ​ത്രി വി​ശ്ര​മം.

പരമ്പരാഗത ആചാരക്രമം അനുസരിച്ച് ഇത്തവണ 26ന്​ ​ഉ​ച്ച​ക​ഴി​ഞ്ഞ് മൂ​ന്നി​ന്​ പ​മ്പ​യി​ല്‍നി​ന്നും പു​റ​പ്പെ​ട്ട് വൈ​കു​ന്നേ​രം അ​ഞ്ചി​ന് ശ​രം​കു​ത്തി​യി​ല്‍ എ​ത്തി​ച്ചേ​രും. പ​തി​നെ​ട്ടാം​പ​ടി ക​യ​റി സോ​പാ​ന​ത്ത് എ​ത്തു​മ്പോ​ള്‍ ത​ന്ത്രി​യും മേ​ല്‍ശാ​ന്തി​യും ചേ​ര്‍ന്ന് ഏ​റ്റു​വാ​ങ്ങി അ​യ്യ​പ്പ വി​ഗ്ര​ഹ​ത്തി​ല്‍ ത​ങ്ക അ​ങ്കി ചാ​ര്‍ത്തി 6.30ന് ​ദീ​പാ​രാ​ധ​ന ന​ട​ക്കും.