പുഴ മുറിച്ച് കടക്കുന്നതിനിടെ സെൽഫി എടുക്കാൻ ശ്രമം ; വെള്ളച്ചാട്ടത്തിൽ തെന്നിവീണ യുവാവിന്റെ മൃതദേഹം കണ്ടെത്തി

ഇടുക്കി : മുതിരപ്പുഴയാർ ചുനയംമാക്കല്‍ വെള്ളച്ചാട്ടത്തിൽ കാണാതായ ഹൈദ്രബാദ് സ്വദേശി സന്ദീപിന്റെ മൃതദേഹം കണ്ടെത്തി. സന്ദീപ് ഉള്‍പ്പെടെ അഞ്ചംഗ സംഘമാണ് മൂന്നാര്‍ സന്ദര്‍ശിച്ചത്. ശ്രീനാരായണപുരം വെള്ളച്ചാട്ടം കാണാനെത്തിയപ്പോഴാണ് സന്ദീപിന് അപകടം സംഭവിച്ചത്. പുഴ മുറിച്ച് കടക്കുന്നതിനിടെ സന്ദീപ് സെല്‍ഫി എടുക്കാന്‍ ശ്രമിച്ചതിനെ തുടർന്നാണ് വെള്ളച്ചാട്ടത്തില്‍ വീണത്

വിരമറിഞ്ഞെത്തിയ നാട്ടുകാരും പോലീസും ഫയര്‍ ഫോഴ്സും സ്ഥലത്ത് തെരച്ചില്‍ നടത്തിയെങ്കിലും മൃതദേഹം കണ്ടെത്താനായില്ല. തുടര്‍ന്ന് തൊടുപുഴയില്‍ നിന്നും സ്കൂബ ടീമംഗങ്ങൾ നടത്തിയ തെരച്ചിലിനോടുവിലാണ് സന്ദീപിന്‍റെ മൃതദേഹം കണ്ടെത്തിയത്. തുടര്‍ നടപടികള്‍ക്ക് ശേഷം സന്ദീപിന്‍റെ മൃതദേഹം അടിമാലി താലൂക്ക് ആശുപത്രിയിലേക്ക് മാറ്റി എന്ന് പോലീസ് അറിയിച്ചു.