ദുബായ്: ചാമ്പ്യന്സ് ട്രോഫി ക്രിക്കറ്റിലെ ഗ്ലാമര് പോരാട്ടമായ ഇന്ത്യ – പാകിസ്താന് മത്സരത്തില് ടോസ് നേടിയ പാകിസ്താൻ ബാറ്റിങ് തെരഞ്ഞെടുത്തു. നിലവിൽ 8.2 ഓവറിൽ ഒരു വിക്കറ്റ് നഷ്ടത്തിൽ 41 റൺസ് എന്ന നിലയിലാണ്.23 പന്തിൽ 26 റൺസെടുത്ത ബാബർ അസത്തെ ഹാർദിക് പാണ്ഡ്യയാണ് പുറത്താക്കിയത്.
ദുബായ് അന്താരാഷ്ട്ര ക്രിക്കറ്റ് സ്റ്റേഡിയത്തിലാണ് മത്സരം. ബംഗ്ലാദേശിനെതിരെയുള്ള അതേ ടീമിനെ ഇന്ത്യ നിലനിര്ത്തി. പാക് ടീമിൽ ഒരു മാറ്റമുണ്ട്. പരിക്കേറ്റ ഫഖര് സമാന് പകരം ഇമാമുല് ഹഖ് ഓപ്പണറാകും.
ടീം: രോഹിത് ശര്മം (ക്യാപ്റ്റന്), ശുഭ്മാന് ഗില്, വിരാട് കോലി, ശ്രേയസ് അയ്യര്, അക്ഷര് പട്ടേല്, കെ.എല്. രാഹുല്, ഹാര്ദിക് പാണ്ഡ്യ, രവീന്ദ്ര ജഡേജ, ഹര്ഷിത് റാണ, മുഹമ്മദ് ഷമി, കുല്ദീപ് യാദവ്.
പാകിസ്താന്: ഇമാമുല് ഹഖ്, ബാബര് അസം, സൗദ് ഷക്കീല്, മുഹമ്മദ് റിസ്വാന് (വിക്കറ്റ് കീപ്പര്, ക്യാപ്റ്റന്), സല്മാന് ആഗ, തയ്യിബ് താഹിര്, ഖുഷ്ദില്ഷാ, ഷഹീന് അഫ്രീദി, നസീംഷാ, ഹാരിസ് റൗഫ്, അബ്റാര് അഹ്മദ്.
ആദ്യ മത്സരത്തില് ബംഗ്ലാദേശിനെ തകര്ത്തതിന്റെ ആത്മവിശ്വാസത്തിലാണ് ഇന്ത്യയെത്തുന്നതെങ്കില്, ന്യൂസീലന്ഡിനോട് തോറ്റാണ് പാകിസ്താന്റെ വരവ്. ടൂര്ണമെന്റില് നിലനില്ക്കണമെങ്കില് ആതിഥേയര്ക്ക് ഇന്ന് ഇന്ത്യക്കെതിരേ ജയം അനിവാര്യമാണ്.
