ആകാംഷയോടെ ലോകരാജ്യങ്ങൾ !റഷ്യ – യുക്രെയ്ൻ യുദ്ധത്തിലെ സമാധാന ചർച്ചകൾക്കായി അജിത് ഡോവലിനെ തന്നെ മോസ്‌കോയിലേക്കയച്ച് ഭാരതം; സന്ദർശനത്തിൻ്റെ ഷെഡ്യൂളിലടക്കം സസ്പെൻസ് !!

റഷ്യ – യുക്രെയ്ൻ യുദ്ധത്തിലെ സമാധാന ചർച്ചകൾക്കായി ദേശീയ സുരക്ഷാ ഉപദേഷ്ടാവ് അജിത് ഡോവൽ ഈ ആഴ്ച മോസ്‌കോയിലേക്ക് പോകും. കഴിഞ്ഞ രണ്ട് മാസത്തിനിടെ പ്രധാനമന്ത്രി നരേന്ദ്ര മോദി റഷ്യയും യുക്രെയ്നും സന്ദർശിക്കുകയും വ്ളാഡിമിർ പുടിൻ ,വ്ളാഡിമിർ സെലെൻസ്‌കി എന്നിവരുമായി കൂടിക്കാഴ്ചകൾ നടത്തുകയും ചെയ്തിരുന്നു. സന്ദർശനവേളയിൽ ഇരു നേതാക്കളും സമാധാന കരാർ ഉണ്ടാക്കാൻ ഭാരതം തന്നെ മുന്നോട്ട് വരണമെന്ന് പ്രധാനമന്ത്രി നരേന്ദ്രമോദിയോട് അഭ്യർത്ഥിക്കുകയും ചെയ്തു.പിന്നാലെയാണ് സമാധാന ചർച്ചകൾക്കായി ഡോലവിനെ അയക്കാൻ തീരുമാനമുണ്ടായത്.

അതേസമയം, ഡോവലിന്റെ സന്ദർശനത്തിൻ്റെ ഷെഡ്യൂൾ സംബന്ധിച്ച വിശദാംശങ്ങളൊന്നും പുറത്തുവന്നിട്ടില്ല. റഷ്യ-യുക്രെയ്ൻ സംഘർഷത്തെക്കുറിച്ച് മോദിയും പുടിനും ഫോണിൽ സംസാരിച്ചെന്ന് പ്രധാനമന്ത്രിയുടെ ഓഫീസ് അറിയിച്ചു. സംഘർഷം അനസാനിപ്പിക്കാനും സ്ഥിരവും സമാധാനപരവുമായ പരിഹാരം കാണാൻ പ്രായോഗികവുമായ ഇടപെടലിൻ്റെ പ്രാധാന്യം മോദി വ്യക്തമാക്കിയെന്നും പിഎംഒ പുറത്തിറക്കിയ പത്രക്കുറിപ്പിൽ വ്യക്തമാക്കി. റഷ്യ-യുക്രെയ്ൻ സംഘർഷം മൂർച്ഛിക്കുന്ന സാഹചര്യത്തിൽ കൂടിയാണ് ഡോവലിന്റെ സന്ദർശനം എന്നതിനാൽ ലോകരാജ്യങ്ങളും ഭാരതത്തിന്റെ നീക്കത്തെ ആകാംഷയോടെ നോക്കികാണുകയാണ്.