‘പ്രവർത്തകർ ചേരുമ്പോൾ പാർട്ടിയും…പ്രവർത്തന മികവിൽ നേതാവും ജനിക്കുന്നു’;സാമ്പത്തിക പ്രതിസന്ധിയിൽ ഫീസ് അടയ്‌ക്കാനാകാതെ പ്രാദേശിക നേതാവിന്റെ മകളുടെ വിദ്യാഭ്യാസം വഴിമുട്ടി; സഹായവുമായെത്തി കെ സുരേന്ദ്രനും വിജയന്‍ തോമസും; വൈറൽ കുറിപ്പ്

തിരുവനന്തപുരം: സാമ്പത്തിക പ്രതിസന്ധിയെ തുടർന്ന് പഠനം തടസ്സപ്പെട്ട പ്രാദേശിക നേതാവിന്റെ മകൾക്ക് സഹായഹസ്തവുമായി ബിജെപി സംസ്ഥാന അദ്ധ്യക്ഷൻ കെ സുരേന്ദ്രൻ.

കഴക്കൂട്ടം മണ്ഡലത്തിലെ ഏരിയ വൈസ് പ്രസിഡന്റിന്റെ മകൾക്കാണ് ഫീസ് അടയ്‌ക്കാനുള്ള പണം കെ സുരേന്ദ്രന്റെ കൃത്യമായ ഇടപെടൽ മൂലം ലഭിച്ചത് .

ഇലക്ട്രിഷ്യനായി ജോലി ചെയ്യുന്ന ഇദ്ദേഹത്തിന്റെ മകൾ തിരുവനന്തപുരത്തെ പി.ആർ.എസ് കോളേജ് ഓഫ് നഴ്സിങ്ങിലാണ് പഠിക്കുന്നത് .അവസാന വർഷ നഴ്സിംഗ് വിദ്യാർത്ഥിനിയാണ് .

കോവിഡിനെ തുടർന്ന് ബുദ്ധിമുട്ടിലായതിനാൽ ഫീസ് അടയ്ക്കാൻ സാധിക്കാതെ വരികയുംപിന്നീട് ഫീസ് അടയ്‌ക്കാനായി കോളേജ് മാനേജ്മെന്റിന്റെ ഭാഗത്തുനിന്നും കടുത്ത സമ്മർദ്ദമാണ് പെൺകുട്ടിയ്‌ക്ക് നേരിടേണ്ടി വന്നത് .

തുടർന്ന് മകളുടെ കോളേജ് ഫീസ് അടയ്‌ക്കാനുള്ള ബുദ്ധിമുട്ട് പിതാവ് തന്നെ മണ്ഡലം കമ്മിറ്റിയെ അറിയിച്ച് ആ വിഷയം പാർട്ടി സംസ്ഥാന പ്രസിഡന്റിന്റെ ശ്രദ്ധയിൽ കൊണ്ടുവരികയും.

തുടര്‍ന്ന് ബിജെപി സംസ്ഥാന അധ്യക്ഷൻ കെ സുരേന്ദ്രന്റെ കൃത്യമായ ഇടപെടലില്‍ ബിജെപി നേതാവ് വിജയന്‍ തോമസ് വിദ്യാർത്ഥിക്ക് പഠിക്കാനുള്ള തുക കൈമാറിയിക്കുകയാണ്.അഡ്വ .ബാലു നായര്‍ ഫേസ്ബുക്കില്‍ പോസ്റ്റ് ചെയ്ത കുറിപ്പിലൂടെയാണ് ഈ വിവരം പങ്കുവെച്ചത്.

ഫേസ്ബുക്ക് കുറിപ്പിന്റെ പൂർണ്ണരൂപം ഇങ്ങനെ

പ്രവർത്തകർ,പാർട്ടി,നേതാവ് …ഇതിൽ പ്രവർത്തകർ ചേരുമ്പോൾ പാർട്ടിയും…പ്രവർത്തന മികവിൽ നേതാവും ജനിക്കുന്നു…………..
കഴക്കൂട്ടം മണ്ഡലത്തിലെ ഒരു ഏരിയ വൈസ് പ്രസിഡന്റ് ന്റെ മകളുടെ കോളേജ് ഫീസ് അടയ്‌ക്കാനുള്ള ബുദ്ധിമുട്ട് മണ്ഡലം കമ്മിറ്റിയെ അറിയിക്കുകയും ആ വിഷയം പാർട്ടി സംസ്ഥാന പ്രസിഡന്റ് ശ്രി കെ സുരേന്ദ്രൻ ജിയുടെ ശ്രദ്ധയിൽ കൊണ്ടുവരുകയും ഉടൻ വിഷയത്തിന് ശ്രി വിജയൻ തോമസ് സാറിന്റെ സഹായത്തോടെ പരിഹാരം കണ്ടു.
ഇലെക്ട്രിഷ്യനായി ജോലി ചെയ്യുന്ന ഇദ്ദേഹത്തിന്റെ മകൾ തിരുവനന്തപുരത്തെ പി.ആർ.എസ് കോളേജ് ഓഫ് നഴ്സിങ്ങിലാണ് പഠിക്കുന്നത് .അവസാന വർഷ നഴ്സിംഗ് വിദ്യാർഥികൂടിയായ ഈ കുട്ടിക്ക് കൊറോണ ബാധിച്ച നാടെങ്ങും വിഷമതകളാൽ ബുദ്ധിമുട്ടുന്ന ഈ സാഹചര്യത്തിലും ഫീസ് അടയ്‌ക്കാനായി കോളേജ് മാനേജ്മെന്റിന്റെ ഭാഗത്തുനിന്നും കടുത്ത സമ്മർദ്ദമാണ് നേരിടേണ്ടി വന്നത് .
പ്രസ്തുത പ്രവർത്തകന്റെ ഈ വിഷമതകൾ പാർട്ടി സംസഥാന അധ്യക്ഷൻ ശ്രി സുരേന്ദ്രൻ ജി അറിഞ്ഞതോടെ ഉടനടി അവരുടെ ഫീസ് അടയ്‌ക്കാനുള്ള തുക ശ്രി വിജയൻ തോമസ് സാറിന്റെ സഹായത്തോടെ അവർക്കു കൈമാറി .
രാഷ്‌ട്രീയ പാർട്ടിയുടെ അടിത്തട്ടിൽ പ്രവർത്തിച്ചു പ്രവർത്തകരുടെ മനസ്സറിയുന്ന, ജനകീയ അടിത്തറയുള്ള ശ്രി സുരേന്ദ്രൻജിയും , ശ്രി വിജയൻ തോമസ് സാറിനെ പോലുള്ള നേതാക്കൾ എന്നും പാർട്ടിയുടെ മുതൽകൂട്ടു തന്നെയാണ്.പ്രവർത്തകരുടെ കഷ്ട്ടതകൾ മനസിലാക്കി ഉചിതമായി ഇടപെടലുകൾ നടത്തിയ സംസഥാന അധ്യക്ഷൻ ശ്രി സുരേന്ദ്രൻ ജിക്കും,ശ്രി തോമസ് സാറിനും കഴക്കൂട്ടം മണ്ഡലത്തിന്റെ അകമഴിഞ്ഞ നന്ദി അറിയിക്കുന്നു. # K Surendran # BJP Keralam # BJP Kazhakoottam # Vijayan Thomas