ചെന്നൈ-ബംഗളൂരു-മൈസൂരു;ദക്ഷിണേന്ത്യയിലെ ആദ്യ വന്ദേഭാരത് ട്രെയിൻ അടുത്ത മാസം 10ന്

ചെന്നൈ:ദക്ഷിണേന്ത്യയിലെ ആദ്യ വന്ദേഭാരത് ട്രെയിൻ അടുത്ത മാസം 10 മുതൽ സർവീസ് ആരംഭിക്കും. ചെന്നൈ-ബംഗളൂരു-മൈസൂർ റൂട്ടിലാണ് ട്രെയിൻ സർവീസ് നടത്തുക. രാജ്യത്തെ സെമി ഹൈസ്പീഡ് ട്രെയിനായ വന്ദേഭാരതിന്റെ അഞ്ചാമത്തെ റൂട്ടാണിത്. വ്യാഴാഴ്ച നാലാമത്തെ റൂട്ടായ ഹിമാചൽപ്രദേശ്-ന്യൂഡൽഹി സർവീസ് പ്രധാനമന്ത്രി നരേന്ദ്രമോദി ഉദ്ഘാടനം ചെയ്തിരുന്നു

ഡൽഹി-കാൺപൂർ-അലഹബാദ്-വാരണാസി റൂട്ടിലാണ് ആദ്യ വന്ദേഭാരത് എക്‌സ്പ്രസ് സർവീസ് ആരംഭിച്ചത്. ട്രെയിനിന് ആദ്യ 52 സെക്കന്റിൽ തന്നെ 100 കിലോമീറ്റർ വരെ വേഗത കൈവരിക്കാൻ സാധിക്കും. വിമാന യാത്രയ്ക്ക് സമാനമായ അനുഭവമാണ് വന്ദേഭാരത് എക്‌സ്പ്രസ് ട്രെയിനുകൾ നൽകുന്നതെന്ന് റെയിൽവേ അവകാശപ്പെടുന്നു