തിരുവനന്തപുരം: സംസ്ഥാനത്തെ സർക്കാർ ജീവനക്കാരുടെ പെൻഷൻ പ്രായം ഉയർത്തില്ല. പെന്ഷന് പ്രായം 60 ആയി ഉയര്ത്തണമെന്ന ഭരണ പരിഷ്കരണ കമ്മിഷന് ശുപാര്ശ ഇന്ന് ചേര്ന്ന മന്ത്രിസഭാ യോഗം തള്ളി. നാലാം ഭരണപരിഷകാര കമ്മീഷന്റെ ശുപാര്ശകള് പരിശോധിക്കാന് നിയോഗിച്ച ചീഫ് സെക്രട്ടറി അദ്ധ്യക്ഷയായ സെക്രട്ടറിതല സമിതിയുടെ ശുപാര്ശകള് ഭേദഗതികളോടെ മന്ത്രി സഭായോഗം അംഗീകരിച്ചു.
കെഎസ്ആര്, കെഎസ് ആന്ഡ് എസ്എസ്ആര്, കണ്ടക്ട് റൂള്സ് എന്നിവ സംയോജിപ്പിച്ച് കേരള സിവില് സര്വീസ് കോഡ് രൂപവത്കരിക്കും. ഇതിനായി ഉദ്യോഗസ്ഥ ഭരണപരിഷ്ക്കാര വകുപ്പിനെ ചുമതലപ്പെടുത്തി. സബോഡിനേറ്റ് സര്വീസിലും സ്റ്റേറ്റ് സര്വീസിലും പ്രൊബേഷന് ഒരു തവണ മാത്രമാകും. എല്ലാ വകുപ്പുകളും രണ്ട് വര്ഷത്തിനകം വിശേഷാല് ചട്ടങ്ങള് രൂപവത്കരിക്കുന്നതിന് നിർദ്ദേശം നല്കും. പ്രത്യേക ലക്ഷ്യത്തോടുകൂടി സൃഷ്ടിക്കപ്പെടുന്ന തസ്തികകള് ലക്ഷ്യം പൂര്ത്തിയായാല് അവസാനിപ്പിക്കും. പ്രസ്തുത വകുപ്പിലെ ജീവനക്കാരെ ആവശ്യമായ മറ്റ് വകുപ്പുകളിലേക്ക് പുനര്വിന്യസിക്കും. സ്ഥലം മാറ്റം സംബന്ധിച്ച തര്ക്കം പരിഹരിക്കുന്നതിനായി സര്വ്വീസ് സംഘടനാ പ്രതിനിധികളെ ഉള്പ്പെടുത്തി സംയുക്ത സമിതി രൂപീകരിക്കുമെന്നും അറിയിച്ചു.
ഭിന്നശേഷിക്കാര്ക്കായി സംവരണം ചെയ്തിട്ടുള്ള തസ്തികകളില് നിയമനം വേഗത്തിലാക്കാന് അംഗപരിമിതര്ക്കനുസൃതമായി അനുയോജ്യമായ തസ്തികകളെയും യോഗ്യതകളെയും സംബന്ധിച്ച് വ്യക്തത വരുത്തണം. എല്ലാ ജീവനക്കാര്ക്കും വാര്ഷിക ആരോഗ്യ പരിശോധന ഏര്പ്പെടുത്തും. വിരമിക്കുന്നതിന് ഒരു മാസം മുമ്പ് ജീവനക്കാരന്റെ പേരിലുള്ള അച്ചടക്ക നടപടികള് പൂര്ത്തീകരിക്കണമെന്ന ശുപാര്ശയും അംഗീകരിച്ചു.
ഏതെങ്കിലും തസ്തികയിലേക്ക് സ്ഥാനക്കയറ്റം ലഭിക്കാന് പ്രത്യേക
