ആസ്‌തികളുടെ പട്ടിക പ്രഖ്യാപിച്ച് തിരുമല തിരുപ്പതി ദേവസ്ഥാനം;ആന്ധ്രാപ്രദേശ് സർക്കാരിന്റെ സെക്യൂരിറ്റികളിലും ബോണ്ടുകളിലും മിച്ച ഫണ്ട് നിക്ഷേപിക്കാൻ ടിടിഡി തീരുമാനിച്ചുവെന്ന സോഷ്യൽ മീഡിയ റിപ്പോർട്ടുകൾ തെറ്റ്

തിരുമല ക്ഷേത്രം ഭരിക്കുന്ന തിരുമല തിരുപ്പതി ദേവസ്ഥാനം (ടിടിഡി) ധവളപത്രം പുറത്തിറക്കുകയും സ്ഥിരനിക്ഷേപങ്ങളും സ്വർണനിക്ഷേപങ്ങളും ഉൾപ്പെടെയുള്ള ആസ്‌തികളുടെ പട്ടിക പ്രഖ്യാപിക്കുകയും ചെയ്‌തു. 10 ടണ്ണിലധികം സ്വർണവും 15,938 കോടി രൂപ പണവും 2.26 ലക്ഷം കോടി രൂപ ആസ്‌തിയുള്ളതായി ട്രസ്‌റ്റ് അറിയിച്ചു.

എന്നാൽ, ആന്ധ്രാപ്രദേശ് സർക്കാരിന്റെ സെക്യൂരിറ്റികളിലും ബോണ്ടുകളിലും മിച്ച ഫണ്ട് നിക്ഷേപിക്കാൻ ടിടിഡി തീരുമാനിച്ചുവെന്ന സോഷ്യൽ മീഡിയ റിപ്പോർട്ടുകൾ തെറ്റാണെന്നും ട്രസ്‌റ്റ് ആരോപിച്ചു. മിച്ച തുക ഷെഡ്യൂൾഡ് ബാങ്കുകളിൽ നിക്ഷേപിച്ചിട്ടുണ്ടെന്ന് അതിൽ പറയുന്നു. ടിടിഡി മാർഗ്ഗനിർദ്ദേശങ്ങൾ അനുസരിച്ച്, സ്വർണ്ണ നിക്ഷേപങ്ങൾക്ക് ഏറ്റവും ഉയർന്ന ക്രെഡിറ്റ് റേറ്റിംഗുള്ള ഷെഡ്യൂൾഡ് ബാങ്കുകളിൽ നിന്ന് ക്വട്ടേഷനുകൾ ക്ഷണിച്ചിട്ടുണ്ട്.

കൂടാതെ ആർബിഐയുടെ തിരുത്തൽ നടപടി നേരിടുന്ന ബാങ്കുകളെ ഇതിലേക്ക് ക്ഷണിച്ചിട്ടുമില്ല. ശ്രീവരി ഹുണ്ടിയുടെ എല്ലാ സ്വർണ്ണ സംഭാവനകളും 12 വർഷത്തെ ഗോൾഡ് ഡിപ്പോസിറ്റ് ചെയ്യാവുന്ന ധനസമ്പാദന സ്‌കീമിന് കീഴിൽ സർക്കാർ മിന്റിലേക്ക് അയച്ചിട്ടുണ്ട്. ഒരു ബാങ്കിൽ നിന്ന് ലഭിക്കുന്ന എല്ലാ സംഭാവനകളും അതേ ബാങ്കിൽ തന്നെ നിക്ഷേപിക്കുകയാണെന്നും ട്രസ്‌റ്റ് ചൂണ്ടിക്കാട്ടി.