യുവേഫ ചാംപ്യൻസ് ലീഗ് ട്രോഫി
ഇസ്താംബൂൾ : യൂറോപ്പിലെ ഫുട്ബോൾ രാജാക്കന്മാർ ആരെന്ന ചോദ്യത്തിന് ഇന്ന് ഉത്തരം കണ്ടെത്താനാകും. ഇന്ത്യൻ സമയം രാത്രി പന്ത്രണ്ടരയ്ക്ക് നടക്കുന്ന ഫൈനൽ പോരാട്ടത്തിൽ ഇറ്റാലിയൻ വമ്പന്മാരായ ഇന്റർ മിലാനും പ്രീമിയർ ലീഗ് ചാമ്പ്യൻമാരായ മാഞ്ചസ്റ്റർ സിറ്റിയും ഏറ്റുമുട്ടും. യുവേഫ ചാംപ്യൻസ് ലീഗ് ഫുട്ബോൾ കിരീടം നേടാനുള്ള സാധ്യത 74.1 ശതമാനവും മാഞ്ചസ്റ്റർ സിറ്റിക്കനുകൂലമായാണ് ഫുട്ബോൾ ലോകം പ്രവചിക്കുന്നത്. ഇറ്റാലിയൻ ക്ലബ് ഇന്റർ മിലാനുള്ള സാധ്യത കേവലം 25.9% മാത്രവും!
എന്നാൽ പ്രവചങ്ങൾക്കതീതമായി എന്തും ഏതു നിമിഷവും നടക്കാവുന്ന ഫുട്ബോളിൽ ഇത്തരം കണക്കുകൾക്ക് യാതൊരു പ്രസക്തിയുമില്ല. ചരിത്രത്തിലാദ്യമായി ചാംപ്യൻസ് ലീഗ് കിരീടം നേടാൻ വെമ്പുന്ന മാഞ്ചസ്റ്റർ സിറ്റിയും ടീം സ്പിരിറ്റിന്റെ മാത്രം ബലത്തിൽ ഫൈനൽ വരെയെത്തിയ ഇന്റർ മിലാനും ഏറ്റുമുട്ടുമ്പോൾ പുതു ചരിത്രം പിറക്കും എന്ന കാര്യത്തിൽ സംശയമില്ല.
ഇന്റർ മിലാനും മാഞ്ചസ്റ്റർ സിറ്റിയും ഇതിനു മുൻപ് ഒരിക്കൽ പോലും പരസ്പരം ഏറ്റുമുട്ടിയിട്ടില്ല. 2011ൽ പ്രീ സീസൺ സൗഹൃദ മത്സരത്തിൽ സിറ്റി 3–0ന് ഇന്ററിനെ തോൽപിച്ചിരുന്നു. അന്ന് ഒരു ഗോൾ നേടിയ എഡിൻ ജെക്കോ ഇപ്പോൾ ഇന്ററിനായാണ് ബൂട്ട് കെട്ടുന്നത്. ഇന്റർ മിലാൻ മുൻപു 3 തവണ ചാംപ്യൻസ് ലീഗ് ജേതാക്കളായിട്ടുണ്ട്. മാഞ്ചസ്റ്റർ സിറ്റി ലക്ഷ്യമിടുന്നത് ആദ്യ കിരീടമാണ്.ഈ സീസണിൽ ഇംഗ്ലിഷ് പ്രിമിയർ ലീഗും എഫ്എ കപ്പും നേടിയ സിറ്റിയുടെ ലക്ഷ്യം ചാംപ്യൻസ് ലീഗ് കൂടി നേടി ഹാട്രിക് കിരീടം തികയ്ക്കുകയാണ്. സിറ്റി കോച്ച് പെപ് ഗ്വാർഡിയോളയുടെ 4–ാം ചാംപ്യൻസ് ലീഗ് ഫൈനൽ. 2009ലും 2011ലും ബാർസിലോനയ്ക്കൊപ്പം കിരീടം നേടി. 2021ൽ സിറ്റി ഫൈനലിൽ ചെൽസിയോട് തോറ്റു.
ഇന്റർ മിലാൻ കോച്ച് സിമിയോണി ഇൻസാഗി ആദ്യമായാണ് ചാംപ്യൻസ് ലീഗ് ഫൈനലിനു ടീമിനെ ഒരുക്കുന്നത്. ഇന്റർ മിലാൻ ടീമിലെ കളിക്കാരും ഇതിനു മുൻപ് ഫൈനൽ കളിച്ചിട്ടില്ല.
നിരോധിത സംഘടനയായ ജമ്മു കശ്മീർ ലിബറേഷൻ ഫ്രണ്ട് (ജെകെഎൽഎഫ്-യാസിൻ മാലിക് വിഭാഗം) പുനരുജ്ജീവിപ്പിക്കാൻ ഗൂഢാലോചന നടത്തിയെന്ന കേസിൽ രണ്ട് പ്രതികളുടെ…
ആർട്ടിഫിഷ്യൽ ഇന്റലിജൻസ് (എഐ) രംഗത്തെ തന്ത്രപ്രധാന സാങ്കേതികവിദ്യകളും വിതരണശൃംഖലകളും സംരക്ഷിക്കാൻ ഭാരതവും അമേരിക്കയും ഉൾപ്പെടെ പത്ത് രാജ്യങ്ങൾ സാൻ ഫ്രാൻസിസ്കോ…
ബി.എൽ.എം നിക്ഷേപ ക്രമക്കേട് കേസിൽ അന്വേഷണം കൂടുതൽ ശക്തമാക്കി എൻഫോഴ്സ്മെന്റ് ഡയറക്ടറേറ്റ്. സ്ഥാപനത്തിന്റെ സ്ഥാപക ചെയർമാൻ ആർ. പ്രേംകുമാറിനും കുടുംബാംഗങ്ങൾക്കും…
ഇറാന്റെ സൈനികശേഷി പൂർണമായും തകർത്തുവെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ അവകാശവാദങ്ങൾക്കിടെ പുതിയ വെളിപ്പെടുത്തലുമായി യുഎസ് ഇന്റലിജൻസ് റിപ്പോർട്ട്. അമേരിക്കയുടെയും…
ബോസ്റ്റൽ സ്കൂളിൽ നിന്ന് പുറത്തിറങ്ങിയ സൂഹൈലിന്റെ ദൃശ്യങ്ങൾ പകർത്താൻ ശ്രമിച്ച മാധ്യമപ്രവർത്തകർക്ക് നേരെ ബന്ധുക്കളുടെയും സുഹൃത്തുക്കളുടെയും പരാക്രമം. ക്യാമറയ്ക്ക് മുന്നിൽ…
കേരളത്തിലെ വൈദ്യുതി വാങ്ങൽ ഇടപാടുമായി ബന്ധപ്പെട്ട വിവാദം പുതിയ തലത്തിലേക്ക്. മുൻ കെ.എസ്.ഇ.ബി ചെയർമാനും ഊർജവകുപ്പ് സെക്രട്ടറിയുമായിരുന്ന ജി. രാജമാണിക്യത്തിന്റെ…