ദില്ലി : മെയ് 1 മുതൽ ഫാസ്റ്റ് ടാഗ് നിർത്തലാക്കുമെന്ന അഭ്യൂഹങ്ങൾ തെറ്റാണെന്ന അറിയിപ്പുമായി കേന്ദ്ര റോഡ് ഗതാഗത, ഹൈവേ മന്ത്രാലയം. ഫാസ്റ്റ് ടാഗ് ഘട്ടം ഘട്ടമായി നിർത്തലാക്കാനോ പകരം ഉപഗ്രഹ അധിഷ്ഠിത ടോളിംഗ് സംവിധാനം ഏർപ്പെടുത്താനോ ഉടൻ പദ്ധതിയില്ലെന്ന് ഉടൻ പദ്ധതിയില്ലെന്ന് ഇന്ന് പുറത്തിറക്കിയ പ്രസ്താവനയിൽ മന്ത്രാലയം വ്യക്തമാക്കി. “മെയ് മുതൽ ഫാസ്റ്റ് ടാഗ് നിർത്തലാക്കും” എന്ന് അവകാശപ്പെടുന്ന തെറ്റിദ്ധരിപ്പിക്കുന്ന റിപ്പോർട്ടുകളോ വൈറൽ സന്ദേശങ്ങളോ വിശ്വസിക്കരുതെന്ന് മന്ത്രാലയം പൊതുജനങ്ങളോട് അഭ്യർത്ഥിച്ചു.
പുതിയ സാങ്കേതികവിദ്യകൾ പരീക്ഷണ ഘട്ടത്തിലാണെന്നും , രാജ്യത്തുടനീളമുള്ള ടോൾ പേയ്മെന്റുകൾക്ക് ഫാസ്റ്റ് ടാഗ് നിർബന്ധമാണെന്നും മന്ത്രാലയം വ്യക്തമാക്കി. തിരഞ്ഞെടുത്ത ടോൾ പ്ലാസകളിൽ നടക്കുന്ന ഓട്ടോമാറ്റിക് നമ്പർ പ്ലേറ്റ് റെക്കഗ്നിഷൻ (ANPR) സംവിധാനങ്ങളുടെ പരീക്ഷണങ്ങളിൽ നിന്നാണ് ഈ ഊഹാപോഹങ്ങൾ ഉടലെടുത്തത്.
ഹൈബ്രിഡ് അല്ലെങ്കിൽ ANPR ടോളിംഗ് സിസ്റ്റം എന്താണ്?
ഫാസ്റ്റ് ടാഗ് നീക്കം ചെയ്യുന്നതിനുപകരം, നിലവിലുള്ള റേഡിയോ-ഫ്രീക്വൻസി ഐഡന്റിഫിക്കേഷൻ (RFID) അടിസ്ഥാനമാക്കിയുള്ള ഫാസ്റ്റ് ടാഗിനെ ANPR സാങ്കേതികവിദ്യയുമായി സംയോജിപ്പിക്കുയാണ് ചെയ്യുന്നത്. ഈ സജ്ജീകരണം തടസ്സങ്ങളില്ലാതെ ടോൾ ശേഖരണം സാധ്യമാക്കുന്നു, അവിടെ ഉയർന്ന റെസല്യൂഷൻ ക്യാമറകൾ നമ്പർ പ്ലേറ്റുകൾ സ്കാൻ ചെയ്യുകയും ഫാസ്റ്റ് ടാഗ് അക്കൗണ്ടുകളുമായി സമന്വയിപ്പിക്കുകയും ചെയ്യുന്നു.
