പാലക്കാട്: കനത്ത മഴ തുടരുന്നതിനിടെ മലമ്പുഴയിൽ ഉരുൾ പൊട്ടിയതായി സംശയം. ആനക്കൽ വന മേഖലയ്ക്ക് സമീപത്താണ് ഉരുൾ പൊട്ടിയതായി ഉയർന്നിരിക്കുന്നത്. പോലീസും റവന്യു ഉദ്യോഗസ്ഥരും സ്ഥലത്തേക്ക് പുറപ്പെട്ടു. പ്രദേശത്ത് ആൾ താമസമില്ലെന്നാണ് പ്രാഥമിക നിഗമനം. കല്ലമ്പുഴയിൽ ജലനിരപ്പ് വലിയ നിലയിൽ ഉയർന്നിട്ടുണ്ട്.
പ്രദേശവാസികൾ പുഴയിൽ ഇറങ്ങരുതെന്നു മുന്നറിയിപ്പുണ്ട്. ജനങ്ങൾ ജാഗ്രത പാലിക്കണമെന്നും അധികൃതർ മുന്നറിയിപ്പ് നൽകിയിട്ടുണ്ട്. പ്രദേശത്ത് കനത്ത മഴയാണ്.
