എറണാകുളം : ആർഎസ്എസ് പഥസഞ്ചലനത്തിൽ ഗണവേഷത്തിൽ എത്തി മുൻ ഡിജിപി ജേക്കബ് തോമസ്. എറണാകുളം പള്ളിക്കരയിൽ നടന്ന വിജയദശമി മഹോത്സവത്തിലാണ് അദ്ദേഹം ഗണവേഷത്തിൽ പങ്കെടുത്തത്. രാഷ്ട്ര സേവനം ലക്ഷ്യമിട്ട് ആര്എസ്എസില് ജേക്കബ് തോമസ് സജീവമാകുമെന്ന വാര്ത്തകള് നേരത്തെ പുറത്തു വന്നിരുന്നു. കാലോചിതമായ ശക്തി കൊണ്ടുള്ള രാഷ്ട്രനിര്മാണമാണ് ആര്എസ്എസിന്റെ ലക്ഷ്യമെന്നും വ്യക്തികള് ശക്തിയാര്ജിക്കുമ്പോള് രാഷ്ട്രം കൂടുതല് ശക്തമാകുമെന്നും അദ്ദേഹം പറഞ്ഞു. വിജയദശമി പഥസഞ്ചലന പരിപാടിയുടെ സമാപന പൊതുസഭയിൽ അദ്ധ്യക്ഷത വഹിച്ചതും ജേക്കബ് തോമസാണ്.
” ആർഎസ്എസ്സിന്റെ പ്രവർത്തനം രാഷ്ട്രത്തെ ശക്തിപ്പെടുത്തലാണ്. അതിന് സംഘം വ്യക്തിയെ ശക്തരാക്കുന്നു. ആ വ്യക്തികൾ ചേർന്ന ശക്തമായ സമൂഹം രാഷ്ട്രത്തെ ശക്തമാക്കുന്നു. സാംസ്കാരികമായ ശക്തിപ്പെടുന്ന സമൂഹം ശ്രേഷ്ഠമായ രാഷ്ട്രത്തെ സൃഷ്ടിക്കും. എല്ലാ തലത്തിലും ശക്തിയാർജ്ജിക്കുക, മറ്റുള്ളവരെ ശക്തിപ്പെടുത്തുക എന്ന സന്ദേശംകൂടിയാണ് ശക്തപൂജയുടെ വിജയദശമി ദിനം സംഘസ്ഥാപനത്തിന് തിരഞ്ഞെടുക്കാൻ പലകാരണങ്ങളിലൊന്ന്. ഭരണഘടന നിർദ്ദേശിക്കുന്ന അമ്പത്തിയൊന്നാം വകുപ്പിൽ വിവരിക്കുന്ന പൗരധർമ്മത്തിന്റെ പാലനത്തിന് സമൂഹത്തെ സജ്ജമാക്കുക എന്ന ലക്ഷ്യംകൂടി ആർഎസ്എസ് സ്വീകരിച്ചിരിക്കുന്നു.”-ജേക്കബ് തോമസ് പറഞ്ഞു
