തിരുവാഭരണാഘോഷയാത്ര ജനുവരി12 ന് , മകരവിളക്ക് 14 ന് ; പന്തളത്തേക്കും സന്നിധാനത്തേക്കും തീർത്ഥാടന പ്രവാഹം ,ഏഴാം വർഷവും തിരുവാഭരണയാത്രയുടെയും മകരവിളക്കിന്റെയും തത്സമയകാഴ്ചയുമായി ടീം തത്വമയി

ശബരിമല തീർത്ഥാടനം അതിന്റെ പാരമ്യഘട്ടത്തോടടുക്കുമ്പോൾ പന്തളത്തും സന്നിധാനത്തും വൻ തീർത്ഥാടന പ്രവാഹം .അന്യസംസ്ഥാന തീർത്ഥാടകർ അടക്കം പ്രതിദിനം പതിനായിരക്കണക്കിന് പേരാണ് പന്തളം വലിയകോയിക്കൽ ശ്രീ ധർമ്മശാസ്താ ക്ഷേത്ര ദർശനത്തിനും ഒപ്പം തിരുവാഭരണങ്ങൾ കണ്ടു തൊഴാനുമായി എത്തുന്നത് .ജനുവരി 12 നാണ് പന്തളത്തു നിന്നും തിരുവാഭരണങ്ങൾ സന്നിധാനത്തേക്ക് യാത്രയാകുന്നത് .

അതെ സമയം മകരവിളക്ക് ദിനത്തിലെ തിരക്ക് നിയന്ത്രിക്കാൻ ശബരിമലയിൽ വെർച്വൽ, സ്പോട്ട് ബുക്കിംഗുകൾക്കും നിയന്ത്രണം ഏർപ്പെടുത്തി .സ്പോട്ട്ബുക്കിംഗ് നിലക്കലിൽ മാത്രമായി പരിമിതപ്പെടുത്തി തീർത്ഥാടക വാഹനങ്ങളും കെ എസ് ആർ ടി സി ബസുകളും നിലക്കൽ എത്തി ബുക്കിംഗ് പരിശോധന പൂർത്തിയാക്കിയ ശേഷം മാത്രമാകും കടത്തി വിടുക .ജനുവരി 10 മുതൽ ഭക്തർ ജ്യോതികാണുന്നതിനായി പർണശാലകൾ കെട്ടി കാത്തിരിക്കുന്ന പതിവുണ്ട്.ഇതുകാരണം മകരവിളക്ക് ദിവസം ഉണ്ടാകാവുന്ന തിരക്ക് ഒഴിവാക്കാനുള്ള ഒരുക്കങ്ങളും പുരോഗമിക്കുകയാണ്.പർണശാലയിൽ ഭജനയിരിക്കുന്ന ഭക്തർ പാചകം ചെയ്യുന്നതും മറ്റും നിയന്ത്രിക്കാനുള്ള മാർഗരേഖയിലെ നിർദേശങ്ങൾ വിവിധ വകുപ്പുകളുമായി ചേർന്ന് പോലീസ് നടപ്പാക്കും. 14 ന് തിരുവാഭരണ ഘോഷയാത്ര കടന്നുപോയിക്കഴിഞ്ഞേ ഭക്തർക്ക് പമ്പയിൽ നിന്നും സന്നിധാനത്തേക്ക് ദർശനത്തിനെത്താൻ സൗകര്യം അനുവദിക്കൂ.ജനുവരി 14 നാണ് മകരവിളക്ക്.

തിരുവാഭരണ ഘോഷയാത്രയുടെ ഭക്തിസാന്ദ്രമായ മുഹൂർത്തങ്ങൾ ലോകത്തിനു മുന്നിൽ ആദ്യമായി എത്തിച്ച തത്വമയി ടിവി തുടർച്ചയായ ഏഴാം വർഷവും തിരുവാഭരണ ഘോഷയാത്രയുടെയും മകരവിളക്കിന്റെയും തത്സമയക്കാഴ്ചകൾ സംപ്രേഷണം ചെയ്യും .ജനുവരി 12 ന് തിരുവാഭരണങ്ങൾ പന്തളത്തു നിന്നും യാത്ര തിരിക്കുന്നത് മുതൽ ടീം തത്വമയിയും തിരുവാഭരണ യാത്ര സംഘത്തോടൊപ്പം സന്നിധാനത്തേക്ക് നീങ്ങും .തിരുവാഭരണ ഘോഷയാത്രയുടെയും മകരവിളക്കിന്റെയും തത്സമയ ദൃശ്യങ്ങൾ കാണാൻ https://bit.ly/TatwaLIVE എന്ന ലിങ്കിൽ ക്ലിക്ക് ചെയ്യുക