മോദിയെ കാണാൻ ലൈറ്റ് ടവറിൽ വലിഞ്ഞുകയറിയ യുവതിയോട് മോദി പറഞ്ഞത് ഇത്

കഴിഞ്ഞ 9 വർഷങ്ങളായി ഭാരതം സമസ്ത മേഖലകളിലും കുതിക്കുകയാണ്. അതിന് കാരണം നരേന്ദ്രമോദിയുടെ നേതൃത്വത്തിൽ ഭാരതത്തെ നയിക്കുന്ന കേന്ദ്രസർക്കാർ തന്നെയാണ്. കൂടാതെ, നരേന്ദ്രമോദിയെ പല ലോകനേതാക്കളും വലിയ ആരാധനയോടെയാണ് നോക്കികാണുന്നത്. അതുപോലെതന്നെ, നരേന്ദ്രമോദിയെ ഒന്നുകാണണമെന്ന് ആഗ്രഹിക്കുന്ന സാധാരണക്കാരും ഒരുപാട് പേരാണ്. അത്തരത്തിൽ ഒരു വിഡിയോയാണ് ഇപ്പോൾ സമൂഹ മാധ്യമങ്ങളിലെ ചർച്ച വിഷയം.

പ്രധാനമന്ത്രിയെ ഒരുനോക്ക് കാണാൻ ഉയരത്തിൽ ലൈറ്റുകൾ പിടിപ്പിച്ച സ്റ്റാന്റുകൾക്ക് മുകളിൽ കയറിയ യുവതിയുടെ ദൃശ്യങ്ങളാണ് നമ്മൾ ഇപ്പോൾ കണ്ടത്. ഹൈദരാബാദിൽ മഡിഗ സംവരണ സമര സമിതി സംഘടിപ്പിച്ച പൊതുയോ​ഗത്തിൽ സംസാരിക്കാൻ എത്തിയതായിരുന്നു പ്രധാനമന്ത്രി നരേന്ദ്രമോദി. നരേന്ദ്രമോദി സംസാരിച്ചു കൊണ്ടിരിക്കവെയാണ് പ്രധാനമന്ത്രിയെ കാണാൻ ​ഗ്രൗണ്ടിൽ സ്ഥാപിച്ചിരുന്ന ലൈറ്റ് ടവറിൽ യുവതി വലിഞ്ഞു കയറിയത്. ഇത് ശ്രദ്ധയിൽപ്പെട്ടതോടെ യുവതിയോട് പ്രധാനമന്ത്രി തന്നെ നിലത്തിറങ്ങാൻ അഭ്യർത്ഥിക്കുകയും ചെയ്തു. അതിന്റെ വീഡിയോ ദൃശ്യങ്ങളാണ് ഇപ്പോൾ സമൂഹ മാധ്യമത്തിൽ ശ്രദ്ധേയമായി മാറുന്നത്. വൈദ്യുത കണക്ഷനുകൾ ഉള്ളതാണ്, മകളെ നീ താഴെ ഇറങ്ങൂ എന്നാണ് പ്രധാനമന്ത്രി യുവതിയോട് ആവർത്തിച്ച് അഭ്യർത്ഥിച്ചത്. ഞാൻ നിങ്ങൾക്കായി വന്നതാണ്. ഞാൻ ഇവിടെയുണ്ട്. ഇങ്ങനെയൊന്നും ചെയ്യരുത് എന്ന് പ്രധാനമന്ത്രി ഉറക്കെ വിളിച്ചു പറയുന്നത് വിഡിയോയിൽ വ്യക്തമാണ്. പ്രധാനമന്ത്രി ആവർത്തിച്ച് അഭ്യർത്ഥിച്ചതോടെ യുവതി താഴെ ഇറങ്ങുകയായിരുന്നു. ഇതോടെയാണ് പ്രധാനമന്ത്രി നരേന്ദ്രമോദി പ്രസംഗം തുടര്‍ന്നത്. കൂടാതെ, പെൺകുട്ടിയോട് അദ്ദേഹം നന്ദി പറയുകയും ചെയ്തു.