എയര്‍സുവിധ രജിസ്ട്രേഷന്‍ പിന്‍വലിച്ചു : വിദേശത്തുനിന്ന് എത്തുന്നവർ ഇനി കോവിഡ് നെഗറ്റീവ് സർട്ടിഫിക്കറ്റ് സമർപ്പിക്കേണ്ടതില്ല

ദില്ലി: അന്താരാഷ്ട്ര തലത്തിൽ കോവിഡ് വ്യാപന സാഹചര്യത്തെ തുടർന്ന് ചൈന ഉൾപ്പെടെ 6 രാജ്യങ്ങളിൽ നിന്നുള്ള യാത്രക്കാർക്ക് എയർസുവിധ നിർബന്ധമാക്കിയ തീരുമാനം പിൻവലിച്ചു. ഇനി മുതൽ വിദേശത്തുനിന്ന് എത്തുന്നവർക്ക് പരിശോധന നടത്തി നെഗറ്റീവ് ആണെന്ന് സത്യവാങ്മൂലം സമർപ്പിക്കേണ്ടതില്ലെന്ന് അറിയിച്ചു.

കോവിഡ് വ്യാപനത്തെ തുടർന്ന് ചൈന , ഹോങ്കോംഗ്, സിംഗപ്പൂര്‍, ജപ്പാന്‍, ദക്ഷിണ കൊറിയ, തായ്ലന്‍റ് എന്നിവടങ്ങളില്‍ നിന്ന് വരുന്ന ആളുകൾക്ക് ആര്‍ടിപിസിആര്‍ പരിശോധനഫലം എയര്‍ സുവിധ പോര്‍ട്ടലില്‍ അപ്ലോഡ് ചെയ്യണമെന്ന വ്യവസ്ഥ ഉണ്ടായിരുന്നു. ജനുവരി 1 മുതല്‍ ഇത് കര്‍ശനമായി രാജ്യം നടപ്പാക്കിയിരുന്നു. എന്നാൽ എപ്പോൾ ഈ തീരുമാനം പിൻവലിച്ചിരിക്കുകയാണ്.