റിയാസി : ലോകത്തിലെ ഏറ്റവും ഉയരത്തിലുള്ള റെയിൽവേ ആർച്ച് പാലമായ ചെനാബ് പാലത്തിൽ കൂടിയുള്ള ആദ്യ തീവണ്ടിയുടെ ഫ്ലാഗ് ഓഫ് കർമ്മം നിർവഹിച്ച് പ്രധാനമന്ത്രി നരേന്ദ്ര മോദി . ഒറ്റത്തൂണിൽ 96 കേബിളുകളുടെ കരുത്തിൽ നിൽക്കുന്ന അൻജി പാലവും പ്രധാനമന്ത്രി ഉദ്ഘാടനം ചെയ്തു.
നദിയില് നിന്ന് 359 മീറ്ററാണ് ചെനാബ് പാലത്തിന്റെ ഉയരം.നീളം 1100 മീറ്റര്, ചെലവ് 1486 കോടി രൂപ, മണിക്കൂറില് 260 കിലോമീറ്റര് വരെ വേഗമുള്ള കാറ്റിനെ പ്രതിരോധിക്കാനും ഭൂകമ്പത്തെ ചെറുക്കാനും പാലത്തിന് സാധിക്കും. ഭീകരാക്രമണത്തെ ചെറുക്കാന് ബ്ലാസ്റ്റ് പ്രൂഫ് സ്റ്റീലാണ് നിർമ്മാണത്തിന് ഉപയോഗിച്ചിരിക്കുന്നത്. .പാലത്തിന് 120 വര്ഷത്തെ ആയുസ്. തീവണ്ടികള് 100 കിലോമീറ്റര് വേഗത്തില് ഓടിക്കാം.ജമ്മു കശ്മീരിനെ റിയാസി ജില്ലയിലെ കത്രയുമായി ബന്ധിപ്പിക്കുന്നതാണ് ഈ റെയിൽപ്പാത. വന്ദേ ഭാരതാണ് ഈ പാതയിലൂടെയുള്ള ആദ്യ സർവീസ്. കത്രയിലേക്കുള്ള പാതയിലാണ് ഈ പാലം.
വൈഷ്ണോദേവി ക്ഷേത്രം ഉൾപ്പെടുന്ന കത്ര പ്രദേശത്തേക്ക് ദിവസവും ഒട്ടേറെ ഭക്തർ എത്തുന്നു. ഇതുവരെ കാൽനടയായോ ബോട്ടുമാർഗം മാത്രമോ പോകാവുന്ന സ്ഥലത്തേക്കാണ് ഇനി തീവണ്ടിയെത്തുക. 272 കിലോമീറ്റർ ദൈർഘ്യത്തിൽ 38 തുരങ്കങ്ങളും 927 പാലങ്ങളുമുള്ള കശ്മീർ റെയിൽവേ പദ്ധതിയുടെ ഭാഗമാണ് ചെനാബ് പാലവും.
വെറും ഒരൊറ്റത്തൂണിന്റെ ശക്തിയില് 96 കേബിളുകളില് നില്ക്കുന്ന വിസ്മയിപ്പിക്കുന്ന നിര്മ്മിതിയാണ് അന്ജി പാലം. 2018 മുതല് എൻജിനിയര്മാര് ഉള്പ്പെടെ 400 ജീവനക്കാരുടെ കഠിനപ്രയത്നമാണിത്.ഇന്ത്യയുടെ ആദ്യത്തെ കേബിള് റെയില്പ്പാലം. 473 മീറ്ററാണ് പാലത്തിന്റെ നീളം. ഉയരം: 193 മീറ്റര്. ഇത് നിര്മ്മിക്കുവാനായി 473 കിലോമീറ്റര് കേബിളുകള് ഉപയോഗിച്ചു. നദിയില് നിന്ന് 331 മീറ്റര് ഉയരം, ചെലവ് 435 കോടി.
