ബൈക്ക് യാത്രികയുടെ മാല പൊട്ടിക്കാൻ ശ്രമം;കിട്ടില്ലെന്ന് ഉറപ്പായപ്പോ ചവിട്ടി വീഴ്ത്തി

തൃശ്ശൂർ:കാണിപ്പയ്യൂരിൽ ബൈക്ക് യാത്രികയുടെ മാല പൊട്ടിച്ചു കടക്കാൻ ശ്രമം. ചാവക്കാട് ബ്ലാങ്ങാട് സ്വദേശി ലൈസറിന്റെ ഭാര്യയുടെ മാല പൊട്ടിക്കാനാണ് ശ്രമം നടന്നത്. ലൈസർ ഓടിച്ച ബൈക്കിന് പുറകിൽ ഇരിക്കുകയായിരുന്ന ഭാര്യയുടെ മാല മറ്റൊരു ബൈക്കിലെത്തിയ മോഷ്ടാവ് പൊട്ടിക്കാൻ ശ്രമിക്കുകയായിരുന്നു.എന്നാൽ ശ്രമം പരാജയപെട്ടതോടേ മോഷ്ടാവ് ബൈക്കിൽ ശക്തിയായി ചവിട്ടുകയും ഇരുവരും റോഡിലേക്ക് തെറിച്ചു വീഴുകയും ചെയ്തു.ശേഷം മോഷ്ടാവ് വേഗത്തിൽ ബൈക്കോടിച്ചു പോവുകയായിരുന്നു.ലൈസറിന്റെ പരാതിയിൽ കേസെടുത്ത് കുന്നംകുളം പോലീസ് അന്വേഷണം ആരംഭിച്ചിട്ടുണ്ട്.

അതെ സമയം തൃശ്ശൂർ എറിയാട് വീട്ടമ്മയുടെ മാല കവർന്നതായി പരാതി .മാടവന ഒഎസ് മില്ലിന് തെക്കുവശം കിഴക്കേചേല വീട്ടിൽ മുംതാസിന്റെ മാലയാണ് കവർന്നത് .വെള്ളിയാഴ്ച പുലർച്ചെ മൂന്ന് മണിയോടെയായിരുന്നു സംഭവം.മുഖത്ത് വെളിച്ചമടിച്ചതിനെ തുടർന്ന് ഉണർന്ന മുംതാസ് മോഷ്ടാവിനെ കണ്ട് നിലവിളിച്ചതിനിടെ മാലയുടെ ഒരു ഭാഗം പൊട്ടിച്ചെടുത്ത് മോഷ്ടാവ് ഓടി രക്ഷപ്പെടുകയായിരുന്നു. ഒന്നേകാൽ പവൻ നഷ്ടപ്പെട്ടതായി മുംതാസ് പറഞ്ഞു.