മാഞ്ചസ്റ്റർ എയർപോർട്ടിൽ പാക് പൗരന്മാരെ പോലീസ് മർദ്ദിച്ചുവെന്ന ആരോപണത്തിൽ ട്വിസ്റ്റ് !പാക് പൗരന്മാർ പോലീസുകാരിയെ ആക്രമിച്ച് മൂക്ക് തകർക്കുന്ന വീഡിയോ ദൃശ്യങ്ങൾ പുറത്ത് ; കർശന നടപടിയെടുത്ത മാഞ്ചസ്റ്റർ പോലീസിന് അഭിനന്ദന പ്രവാഹം

മാഞ്ചസ്റ്റർ എയർപോർട്ടിൽ പാകിസ്ഥാൻ പൗരന്മാരെ പോലീസ് മർദ്ദിച്ചുവെന്ന ആരോപണത്തിൽ വ്യക്തമായ വീഡിയോ ദൃശ്യങ്ങൾ പുറത്ത് വന്നു. പാക് പൗരന്മാർ വിമാനത്താവളത്തിലെ പോലീസുകാരിയെ ആക്രമിച്ച് മൂക്ക് തകർക്കുന്നതാണ് വീഡിയോ ദൃശ്യങ്ങളിലുള്ളത്. ആരോപണമുയർന്നതിന് പിന്നാലെ മാഞ്ചസ്റ്റർ പോലീസിന് സമൂഹ മാദ്ധ്യമങ്ങളിലടക്കം കടുത്ത വിമർശനം ഏറ്റുവാങ്ങേണ്ടി വന്നെങ്കിലും സത്യാവസ്ഥ പുറത്തു വന്നതോടെ വൻ പിന്തുണയാണ് ലഭിക്കുന്നത്.

മാഞ്ചസ്റ്റർ വിമാനത്താവളത്തിൽ സായുധ ഉദ്യോഗസ്ഥൻ ഒരാളുടെ തലയിൽ ചവിട്ടുന്ന ദൃശ്യങ്ങൾ കഴിഞ്ഞ ദിവസമാണ് വ്യാപകമായി പ്രചരിച്ചത്. സംഭവം വിവാദമായതോടെ ഒരു ഉദ്യോഗസ്ഥനെ പ്രവർത്തന ചുമതലകളിൽ നിന്ന് നീക്കം ചെയ്തതായും സേന അറിയിച്ചതായി അന്താരാഷ്ട്ര മാദ്ധ്യമങ്ങൾ റിപ്പോർട്ട് ചെയ്തിരുന്നു. ഇന്നലെ ഉച്ചയ്ക്ക് ശേഷം വിമാനത്താവളത്തിലെ രണ്ടാം ടെർമിനലിലായിരുന്നു സംഭവം നടന്നത്. അക്രമത്തിന്റെ കാരണം നിലവിൽ വ്യക്തമല്ല .4 പേർ സംഭവത്തിൽ അറസ്റ്റിലായിട്ടുണ്ടെന്നാണ് വിവരം.