തിരുവനന്തപുരം:സർവകലാശാല നിയമഭേദഗതി രണ്ടാം ബില്ലിന് ഗവർണറിന്റെ മുൻകൂർ അനുമതി. ബിൽ നിയമസഭയിൽ അവതരിപ്പിക്കാനാണ് മുൻകൂർ അനുമതി നൽകിയിരിക്കുന്നത്. കുസാറ്റ്, കെടിയു, മലയാളം സർവകലാശാല നിയമം ഭേദഗതി ചെയ്യുന്നതാണ് ബിൽ. നേരത്തെ മുൻകൂർ അനുമതി നൽകാത്തതിനാൽ ഈ ബില്ലിന്റെ അവതരണം സർക്കാർ മാറ്റിവെച്ചിരുന്നു. ഈ മാസം 20നായിരിക്കും ഈ ബില്ലിന്റെ അവതരണം.
ചാൻസിലറായ ഗവർണറുടെ അധികാരം വെട്ടിക്കുറക്കുന്നു, പ്രോ ചാൻസ്ലറായ ഉന്നതവിദ്യാഭ്യാസമന്ത്രിക്ക് ബില്ലിൽ കൂടുതൽ അധികാരം നൽകുന്നു തുടങ്ങിയ പരാതികൾ നേരത്തെ ഉയർന്നിരുന്നു. കഴിഞ്ഞ ദിവസം നിയമമന്ത്രി രാജ്ഭവനിലെത്തി ഗവർണറോട് വിശദീകരണം നൽകിയിരുന്നു. ഇതിനുപിന്നാലെയാണ് ഗവര്ണര് രണ്ടാം ബില്ലിന് മുൻകൂര് അനുമതി നൽകിയത്.
