അഞ്ച് സംസ്ഥാനത്തും വോട്ടെണ്ണൽ തുടങ്ങി; ബിജെപി വിജയത്തിലേക്ക് ?

ദില്ലി: ഉത്തർപ്രദേശ് അടക്കമുള്ള അഞ്ച് സംസ്ഥാനങ്ങളിലെ വോട്ടെണ്ണൽ തുടങ്ങി. നിർണായക ജനവിധി നിർണയിക്കുന്ന വോട്ടെണ്ണൽ രാവിലെ 8 മണി മുതലാണ് ആരംഭിച്ചത്. പോസ്റ്റൽ വോട്ടുകളാണ് ആദ്യം എണ്ണിയത്. ഓരോരുത്തരും ആഗ്രഹിക്കുന്ന വിജയത്തിനായി എല്ലാവരും നെഞ്ചിടിപ്പോടെ കാത്തിരിക്കുകയാണ്.

ഉത്തർപ്രദേശിന്, ഉത്തരാഖണ്ഡ്, പഞ്ചാബ്, ഗോവ, മണിപ്പൂർ എന്നീ സംസ്ഥാനങ്ങളിലാണ് വോട്ടെണ്ണൽ നടക്കുന്നത്. ഉത്തർപ്രദേശിൽ ബിജെപി ഭരണം നിലനിർത്തുമെന്നാണ് എക്സിറ്റ് പോൾ സർവേ ഫലങ്ങൾ പ്രവചിച്ചത്.കൂടാതെ മണിപ്പൂരിലും ബിജെപിക്ക് ഭരണ തുടർച്ചയുണ്ടാകുമെന്നാണ് പല സർവേകളുടെയും പ്രവചനം.

പത്ത് മണിയോടു കൂടി വിജയം ആർക്കാണെന്ന ധാരണ ലഭിയ്ക്കുമെന്നാണ് കരുതുന്നത്. അതേസമയം, ഉത്തർപ്രദേശിൽ ബിജെപി ലീഡ് ചെയ്യുകയാണ്. ലഖിംപുർ ഖേരി സീറ്റുകളിൽ എല്ലാം ബിജെപി മുന്നേറ്റം. യോഗി ആദിത്യനാഥ് ഗൊരഖ്പൂരിൽ ലീഡ് ചെയ്യുന്നു.

നിലവിൽ യുപിയിൽ ഭൂരിപക്ഷത്തിലേക്ക് ചുവടുവച്ച് കയറാനൊരുങ്ങുകയാണ് ബിജെപി.