യുപിയിൽ ബിജെപിയുടെ വമ്പൻ കുതിപ്പ്; നായകനായി യോഗി; ലഖിംപൂർ ഖേരിയിലും ഹത്രാസിലും അയോദ്ധ്യയിലും ബിജെപി മുന്നിൽ

ലക്‌നൗ: യുപിയിൽ നായകനായി യോഗി(UP Election Result 2022). ആദ്യഫല സൂചനകൾ ബിജെപിയ്‌ക്ക് (UP Election Result 2022)അനുകൂലമാണെന്ന റിപ്പോർട്ടാണ് പുറത്തുവന്നുകൊണ്ടിരിക്കുന്നത്. യോഗി സർക്കാരിന്റെ ഭരണത്തുടർച്ചയാണ് ആദ്യമണിക്കൂറിലെ ഫലസൂചനകൾ നൽകുന്ന സൂചന.

അയോദ്ധ്യ, ലഖിംപൂർ ഖേരി, ഹത്രാസ് തുടങ്ങിയ മണ്ഡലങ്ങളിലെ എല്ലാ സീറ്റുകളിലും ബിജെപി സ്ഥാനാർത്ഥികൾ മുന്നിലാണ്. 63 ശതമാനം പേർ ലഖിംപൂർ ഖേരിയിൽ വോട്ട് രേഖപ്പെടുത്തിയിരുന്നു.
പ്രതിപക്ഷ പാർട്ടികൾ ഏറെ വിവാദമാക്കിയ ലഖിംപൂർ ഖേരിയിലെ ആകെയുള്ള എട്ട് മണ്ഡലങ്ങളും നിലവിൽ ബിജെപിയ്‌ക്ക് ഒപ്പമാണ്.

ഇവിടുത്തെ സിറ്റിംഗ് എംഎൽഎ യോഗേഷ് വർമ്മ എസ്പിയുടെ ഉത്‌കേർഷ് വർമ്മ മാഥുറിനെക്കാൾ ബഹുദൂരം മുന്നിലാണ്. 2017ൽ 37,000വോട്ടിന്റെ ഭൂരിപക്ഷത്തിലാണ് യോഗേഷ് ഇവിടെ ജയിച്ചത്. തിങ്കളാഴ്ച പുറത്തുവന്ന ബഹുഭൂരിപക്ഷം സർവേകളും സംസ്ഥാനത്ത് ബിജെപിയ്‌ക്ക് വ്യക്തമായ ഭൂരിപക്ഷം പ്രവചിക്കുന്നുണ്ട്. ഗൊരഖ്പൂർ മണ്ഡലത്തിൽ നിന്നും മത്സരിക്കുന്ന മുഖ്യമന്ത്രി യോഗി ആദിത്യനാഥും, സിറത്തുൽ നിന്നും ജനവിധി തേടുന്ന ഉപമുഖ്യമന്ത്രി കേശവ് പ്രസാദ് മൗര്യയും ലീഡ് നില ഉയർത്തിയിട്ടുണ്ട്.

അതേസമയം ഉത്തർപ്രദേശ് അടക്കമുള്ള അഞ്ച് സംസ്ഥാനങ്ങളിലെ നിർണായക ജനവിധി നിർണയിക്കുന്ന വോട്ടെണ്ണൽ രാവിലെ 8 മണി മുതലാണ് തുടങ്ങിയത്. ആദ്യമെണ്ണിയത് പോസ്റ്റൽ വോട്ടുകളാണ്. പത്ത് മണിയോടെ ചിത്രം ഏതാണ്ട് തെളിയുമെന്നുറപ്പാണ്.