വിരാട് കെയറിംങ് ഹസ്ബന്‍ഡ് തന്നെ; കളിയുടെ സമ്മർദ്ദത്തിനിടയിൽ ഫീൽഡിൽ നിൽക്കുമ്പോഴും ഭാര്യയുടെ ആരോഗ്യകാര്യത്തിൽ തന്നെ ശ്രദ്ധ; ഭക്ഷണം കഴിച്ചോ? ആംഗ്യഭാഷയിലെ ചോദ്യവും, മറുപടിയും വൈറല്‍; വീഡിയോ കാണാം

ക്രിക്കറ്റ് ആരാധകരുടെ പ്രിയപ്പെട്ട ദമ്പതികളാണ് വിരാട് കോഹ്ലിയും, ബോളിവുഡ് താരം അനുഷ്ക ശര്‍മ്മയും. ഇരുവരുടെയും കുടുംബത്തിലേക്ക് പുതിയ ഒരു അതിഥിയെത്തുമെന്ന് ദമ്പതികൾ നേരത്തെ തന്നെ സോഷ്യൽ മീഡിയയിലൂടെ ആരാധകരുമായി പങ്കുവച്ചിരുന്നു. ഇപ്പോഴിതാ, ഐ‌പി‌എൽ മത്സരത്തിനിടെ ഭാര്യയായ അനുഷ്ക ഭക്ഷണം കഴിച്ചോ എന്ന് ആംഗ്യഭാഷയിലെ ചോദ്യവും അതിനു അനുഷ്ക നല്‍കിയ മറുപടിയും വൈറലായിക്കെണ്ടിരിക്കുകയാണ്.

കളിയുടെ സമ്മർദ്ദത്തിനിടയിൽ ഫീൽഡിൽ നിൽക്കുമ്പോഴും ഭാര്യയുടെ ആരോഗ്യകാര്യത്തിൽ വിരാടിനു ശ്രദ്ധയുണ്ട്. അനുഷ്കയോട് ഭക്ഷണം കഴിച്ചോ എന്ന് ആംഗ്യത്തിലൂടെ ചോദിക്കുന്ന വിരാടിനെയാണ് വീഡിയോയിൽ കാണാൻ കഴിയുക. അതേസമയം ആംഗ്യഭാഷയിൽ തന്നെ ഭർത്താവിന് മറുപടി നൽകുകയാണ് അനുഷ്ക. ഇരുവരും തമ്മിലുള്ള ആശയവിനിമയവും മുഖഭാവങ്ങളും ആരുടെയും ഹൃദയം കവരും. “എന്തൊരു ക്യൂട്ടാണ് അനുഷ്കയും വിരാടും,”എന്നാണ് ആരാധകർ ഇതിന് കമന്‍റുകള്‍ കുറിച്ചിരിക്കുന്നത്.

ചെന്നൈ സൂപ്പർ കിംഗ്സിനെതിരായ പോരാട്ടത്തിനിടെയായിരുന്നു ഇരുവരുടെയും ആശയക്കൈമാറ്റം. എല്ലാ ക്രിക്കറ്റ് മത്സരങ്ങളിലും വിരാടിനു പിന്തുണയും പ്രോത്സാഹനവും നൽകാൻ അനുഷ്ക ഗ്യാലറിയിലുണ്ടാകും. “ക്രിക്കറ്റിനു പുറമേ എനിക്ക് ജീവിതത്തിൽ കിട്ടിയ ഏറ്റവും വലിയ അനുഗ്രഹമാണ് അനുഷ്ക. അവൾ ഒരു പ്രൊഫഷണലാണ്, എന്റെ പ്രൊഫഷനെ അവൾ ശരിക്കും മനസിലാക്കുന്നുണ്ട്. ശരിയായ ദിശയിൽ അവൾ എന്നെ നയിക്കുന്നുമുണ്ടെന്ന് കോഹ്‌ലി പറഞ്ഞു. സോഷ്യല്‍ മീഡിയയില്‍ ക്യൂട്ട് എക്സ്ചേഞ്ച് എന്ന പേരിലാണ് വീഡിയോ പ്രചരിക്കുന്നത്.

https://www.instagram.com/p/CG4LZh8J2dj/?utm_source=ig_embed&utm_campaign=embed_video_watch_again