ദേശീയപതാക തിരിച്ചെടുക്കുന്നതിനിടെ കൊടിമരം വൈദ്യുതി ലൈനിൽ തട്ടി ! കാസർഗോഡ് വൈദികൻ ഷോക്കേറ്റ് മരിച്ചു

കാസർഗോഡ് : സ്വാതന്ത്ര്യദിനത്തിൽ ഉയർത്തിയ ദേശീയപതാക തിരിച്ചെടുക്കുന്നതിനിടെ കൊടിമരം വൈദ്യുതി ലൈനിൽ തട്ടിയതിനെത്തുടർന്ന് ഷോക്കേറ്റ വൈദികൻ മരിച്ചു. മുള്ളേരിയ ഇൻഫന്റ് ജീസസ് ചർച്ചിലെ വികാരി ഫാ. മാത്യു കുടിലിൽ ആണ് മരിച്ചത്. 30 വയസായിരുന്നു.

ഇന്ന് വൈകുന്നേരം 6 മണിയോടെ ആയിരുന്നു സംഭവം. ദേശീയപതാക കൊടിമരത്തിൽ കുരുങ്ങിയതിനെ തുടർന്നായിരുന്നു വൈദികൻ കൊടിമരം ഊരിയെടുക്കാൻ ശ്രമിച്ചത്. ഊരിയെടുക്കുന്നതിനിടെ കൊടിമരത്തിന്റെ ഇരുമ്പ് ദണ്ഡ് വൈദ്യുതി ലൈനിൽ തട്ടുകയായിരുന്നു. ഷോക്കേറ്റ് ഫാ. മാത്യുവിന്റെ കൂടെയുണ്ടായിരുന്ന അസി.വികാരി സെബിൻ ജോസഫ് ദൂരേക്ക് തെറിച്ചു വീണു. ഫാ. മാത്യുവിനെ ഉടൻ തന്നെ മുള്ളേരിയ സഹകരണ ആശുപത്രിയിൽ എത്തിച്ചെങ്കിലും മരണം സംഭവിച്ചിരുന്നു.