വാ ….പ്രതിപക്ഷത്തെ ഇനി വല്ല പൊത്തിലോ മറ്റോ പോയി നോക്കാം;എന്തുകൊണ്ട് നെഹ്‌റു എന്ന കുടുംബപ്പേര് കുടുംബാംഗങ്ങൾ ഉപയോഗിക്കുന്നില്ല?: കോൺഗ്രസിനെ ഉത്തരം മുട്ടിച്ച് മോദി

ദില്ലി : രാജ്യസഭയിൽ പ്രതിപക്ഷത്തെ ഉത്തരം മുട്ടിച്ച് പ്രധാന മന്ത്രി. നെഹ്‌റുവിനെ എവിടെയെങ്കിലും ഓർക്കാതെ പോയാൽ ശബ്‍ദമുയർത്തുന്ന കോൺഗ്രസ് നേതൃത്വം എന്തുകൊണ്ടാണ് നെഹ്‌റു എന്ന കുടുംബ പേര് ഉപയോഗിക്കുന്നില്ലെന്നും പ്രധാനമന്ത്രി ചോദിച്ചു.

ഏതാണ്ട് അറുനൂറോളം പദ്ധതികള്‍ ഗാന്ധി-നെഹ്‌റു കുടുംബത്തിന്റെ പേരിലാണ് അറിയപ്പെടുന്നതെന്നും അദ്ദേഹം ഓർമിപ്പിച്ചു.രാജ്യസഭയിൽ രാഷ്ട്രപതിയുടെ നയപ്രഖ്യാപനത്തിനുള്ള നന്ദിപ്രമേയ ചർച്ചയിലെ പ്രസംഗത്തിനിടയിലായിരുന്നു പ്രധാനമന്ത്രിയുടെ പരാമർശം.

‘‘സര്‍ക്കാര്‍ പദ്ധതികളുടെ പേര് സംബന്ധിച്ച് ചിലര്‍ പരാതി പറയുന്നുണ്ട്. ഏതാണ്ട് അറുനൂറോളം പദ്ധതികള്‍ ഗാന്ധി-നെഹ്‌റു കുടുംബത്തിന്റെ പേരിലാണ് അറിയപ്പെടുന്നത്. ചില പദ്ധതികളില്‍ നെഹ്‌റുവിന്റെ പേരില്ലെങ്കില്‍ ചിലര്‍ക്ക് വിറളിപിടിക്കുന്നു. എന്നാല്‍ എനിക്ക് വളരെ ആശ്ചര്യം തോന്നുന്ന മറ്റൊരു കാര്യമുണ്ട്. ചിലപ്പോള്‍ നെഹ്‌റുജിയുടെ പേര് ഞങ്ങള്‍ക്ക് വിട്ടുപോയെന്നു വരാം. പിന്നീടത് ശരിയാക്കാം. അദ്ദേഹം രാജ്യത്തിന്റെ ആദ്യ പ്രധാനമന്ത്രിയാണ്. എനിക്ക് മനസ്സിലാകാത്ത ഒരു കാര്യമുണ്ട്. അദ്ദേഹത്തിന്റെ കുടുംബത്തിലുള്ള ഒരു വ്യക്തിയും എന്തുകൊണ്ടാണ് നെഹ്‌റു എന്ന കുടുംബപ്പേര് ഉപയോഗിക്കാത്തത്? എന്തിനാണ് നാണിക്കുന്നത്? ഇത്രയും വലിയ മഹദ്‌വ്യക്തിത്വത്തെ നിങ്ങള്‍ക്കും കുടുംബത്തിനും സ്വീകാര്യമല്ലെങ്കില്‍ എന്തിനാണ് ഞങ്ങളെ കുറ്റപ്പെടുത്തുന്നത്’’ മോദി പറഞ്ഞു.