Celebrity

ലോകം ഒരു ഗ്രാമമായി ചുരുക്കിയ ചതുരപ്പെട്ടിയുടെ കഥ; നവംബർ 21; ഇന്ന് ലോക ടെലിവിഷൻ ദിനം

ഇന്ന് ലോക ടെലിവിഷൻ ദിനം. ടെലിവിഷനിലൂടെ ലോകം ഒരു ഗ്രാമമായി ചുരുങ്ങുമെന്ന് പ്രവചിച്ചത് ഇലക്ട്രോണിക്‌സ് യുഗത്തിന്റെ പ്രവാചകൻ മാർഷൽ മക്‌ലുഹനാണ്.

ലോകരാഷ്ട്രങ്ങളെല്ലാം നവംബർ 21 ലോക ടെലിവിഷൻ ദിനമായി ആചരിക്കണമെന്ന്‌ 1996 ഡിസംബർ 17-ന്‌ ഐക്യരാഷ്ട്രസഭയുടെ ജനറൽ അസംബ്ലി ഒരു പ്രമേയത്തിലൂടെ ആഹ്വാനംചെയ്തു.

വാർത്താ വിനിമയ രംഗത്തും, പൊതുജനാഭിപ്രായം രൂപീകരിക്കുന്നതിലും ടെലിവിഷൻ വഹിക്കുന്ന പങ്കിനെ ഓർമ്മിപ്പിക്കാനാണ് ഈ ദിനം ആചരിക്കപ്പെടുന്നത്. സമാധാനം, സുരക്ഷിതത്വം, സാമ്പത്തികവും സാമൂഹികവുമായ വികാസം, സാംസ്കാരിക കൈമാറ്റം പ്രോത്സാഹിപ്പിക്കല്‍ തുടങ്ങിയവയ്ക്കാണ് ഊന്നല്‍ നല്‍കുന്നത്.

കേള്‍വിയുടെ ലോകത്തു നിന്നും നമ്മള്‍ ദൃശ്യങ്ങളുടെ വലിയ ലോകത്തേക്കുള്ള യാത്രതുടങ്ങുന്നത് ടെലിവിഷനില്‍ നിന്നാണ്. അതിശയിപ്പിക്കുന്ന ലോകത്തെ കണ്‍മുന്നില്‍ കാണിച്ച ബ്ലാക്ക് ആന്റ് വൈറ്റ് കാലത്തു നിന്നും കളര്‍ടെലിവിഷനിലൂടെ, എല്‍സിഡിയും എല്‍ഇഡി ടെലിവിഷനുമുള്ള പുതിയ കാലത്താണ് നമ്മള്‍ ജീവിക്കുന്നത്.

അതേസമയം ഇന്റർനെറ്റ് സാധ്യമാക്കിയ നവമാധ്യമങ്ങളുടെ ഇക്കാലത്തും ലോകത്ത് ഏറ്റവും കൂടുതൽ ഉപേയാക്താക്കളുള്ള ബഹുജന മാധ്യമം ടെലിവിഷൻ തന്നെയാണ് എന്ന് നിസ്സംശയം പറയാം..

1959 സെപ്റ്റംബർ 15ന് ഡൽഹി ആകാശവാണി ഭവനിലെ ചെറിയൊരു മുറിയിലാണ് ഇന്ത്യയുടെ ആദ്യത്തെ ടെലിവിഷനായ ദൂരദർശൻറെ പ്രവർത്തനമാരംഭിച്ചത്.

എൺപതുകളിൽ രാമായണം, മഹാഭാരതം, ഹം ലോഗ്, ബുനിയാദ് തുടങ്ങിയ പരമ്പരകളിലൂടെ ദൂരദർശൻ ഇന്ത്യയിലെ ജനങ്ങളെ ഒന്നടങ്കം കീഴടക്കി. രംഗോലി, ചിത്രഹാർ, തുടങ്ങിയ ജനകീയ പരിപാടികളിലൂടെയും എൺപതുകളെ ദൂരദർശൻ സുരഭിലമാക്കി.

മാത്രമല്ല തൊണ്ണൂറുകളിൽ കേന്ദ്ര സർക്കാർ സാമ്പത്തിക ഉദാവൽക്കരണ നയങ്ങൾ അവലംബിച്ചപ്പോൾ രാജ്യത്തെ ടെലിവിഷൻ രംഗത്തും വലിയ മാറ്റങ്ങളുണ്ടാക്കി.

വിദേശ ചാനലുകൾ ഇന്ത്യയിൽ സംപ്രേഷണം തുടങ്ങി. പിന്നാലെ തദ്ദേശീയ സ്വകാര്യ ചാനലുകളും. സീ ടിവിയാണ് ആദ്യത്തെ സ്വകാര്യ ചാനൽ. നമ്മുടെ രാജ്യത്ത്‌ ഒരു ശരാശരി പ്രേക്ഷകൻ നിത്യേന നാലുമണിക്കൂറിലേറെ ടെലിവിഷൻ കാണുന്നതായാണ്‌ പഠനം.

ടെലിവിഷനെക്കുറിച്ചുള്ളചില വസ്തുതകൾ ചുവടെ:

  • ടെലിവിഷൻ കണ്ടുപിടുത്തക്കാരനായ ജോൺ ലോഗി ബെയർഡിന്റെ സഹായി വില്യം ടെയ്ന്റൺ ആയിരുന്നു ടെലിവിഷനിൽ സംപ്രേഷണം ചെയ്ത ആദ്യത്തെ മനുഷ്യമുഖം. ടിവി ട്രാൻസ്മിറ്ററിന് മുന്നിൽ വെറുതെ ഇരിക്കാൻ അയാൾക്ക് എല്ലാ ആഴ്ചയും രണ്ട് ഷില്ലിംഗും ആറ് പെൻസും വാഗ്ദാനം ചെയ്തു.

-1962 മുതൽ സംപ്രേക്ഷണം ചെയ്യുന്ന ദി ലേറ്റ് ലേറ്റ് ഷോയും 1954 മുതൽ സംപ്രേഷണം ചെയ്യുന്ന ദ ടുനൈറ്റ് ഷോയും ലോകത്തിലെ ഏറ്റവും ദൈർഘ്യമേറിയ ടെലിവിഷൻ ടോക്ക് ഷോകളാണ്.

  • ആദ്യത്തെ ടെലിവിഷൻ പരസ്യം സംപ്രേക്ഷണം ചെയ്തത് 1941 ജൂലൈ 1 ന് ന്യൂയോർക്കിൽ ആയിരുന്നു. പരസ്യം മൊത്തം 20 സെക്കൻഡ് നീണ്ടുനിന്നു. ടിവി പരസ്യങ്ങൾക്ക് അന്ന് $9 ആയിരുന്നു വില.
  • ഐസ്‌ലാൻഡിൽ 1987 വരെ ടിവി ബ്രോഡ്കാസ്റ്റർ ഇല്ലായിരുന്നു.
  • 1907-ൽ, ടെലിവിഷൻ ഇംഗ്ലീഷിൽ ഒരു പദമായി തിരിച്ചറിഞ്ഞു, ടിവി എന്ന ചുരുക്കെഴുത്ത് 1948-ൽ നിലവിൽ വന്നു.

-ലോകത്തിലെ ആദ്യത്തെ ഹൈ ഡെഫനിഷൻ ടെലിവിഷൻ സംവിധാനം 1936-ൽ യുകെയിൽ ആരംഭിച്ചു.

-1954 മാർച്ചിൽ വെസ്റ്റിംഗ് ഹൗസാണ് ആദ്യത്തെ കളർ ടിവി സെറ്റ് നിർമ്മിച്ചത്.

-1982-ൽ അവതരിപ്പിച്ച ലോകത്തിലെ ആദ്യത്തെ പോക്കറ്റ് ടെലിവിഷനായിരുന്നു സോണി വാച്ച്മാൻ.

-ആദ്യത്തെ ടെലിവിഷൻ റിമോട്ട് 1950-ൽ സെനിത്ത് വികസിപ്പിച്ചെടുത്തു.

-2004-ൽ, യുണൈറ്റഡ് കിംഗ്ഡത്തിലെ ടെലിവിഷൻ സെറ്റുകളുടെ എണ്ണം ആളുകളുടെ എണ്ണത്തേക്കാൾ കൂടുതലായിരുന്നു.

ഇന്ത്യയിലെ ടെലിവിഷൻ ചാനലുകളിൽ മഹാമാരിയുടെ കാലമായ 2020-ൽപ്പോലും 26,200 കോടിയുടെ പരസ്യവരുമാനമുണ്ടായിരുന്നു. നമ്മുടെ രാജ്യത്ത്‌ ഒരു ശരാശരി പ്രേക്ഷകൻ നിത്യേന നാലുമണിക്കൂറിലേറെ ടെലിവിഷൻ കാണുന്നതായാണ്‌ പഠനം

ടെലിവിഷന്റെ വ്യാപ്തിയും പ്രാധാന്യവും ടെലിവിഷൻ ദിനം ഒരിക്കൽക്കൂടി നമ്മെ ഓർമിപ്പിക്കുന്നു.

B4 Admin

Recent Posts

അയ്യപ്പ ഭക്തന് ഐടി കമ്പനിയിൽ പ്രവേശന വിലക്ക്: ഹൈദരാബാദിൽ ടി.സി.എസ് ജീവനക്കാരന് നേരെ മതവിവേചനമെന്ന് ആരോപിച്ച് വൻ പ്രതിഷേധം!

തെലങ്കാനയിലെ രംഗറെഡ്ഡി ജില്ലയിലുള്ള ആദിബട്ലയിലെ ടി.സി.എസ് (TCS) ഓഫീസിൽ അയ്യപ്പ വ്രത വേഷത്തിൽ എത്തിയ ഹിന്ദു ജീവനക്കാരന് പ്രവേശനം നിഷേധിച്ച…

7 hours ago

ചുവപ്പ് ഭീകരതയുടെ ഇരകൾക്ക് നീതിയും പുനരധിവാസവും അനിവാര്യം; നക്സൽ മുക്ത ഭാരതത്തിലേക്കുള്ള പാതയിൽ ഗുത്തി കോയ വിഭാഗത്തിന്റെ ദുരിതങ്ങൾ പരിഹരിക്കണമെന്ന് ആവശ്യം!

രാജ്യത്തുടനീളം നക്സൽ-മാവോയിസ്റ്റ് ഭീകരതയെ തുടച്ചുനീക്കി സുരക്ഷയും വികസനവും ഉറപ്പാക്കുന്നതിൽ കേന്ദ്ര സർക്കാർ ചരിത്രപരമായ മുന്നേറ്റങ്ങൾ കൈവരിക്കുമ്പോൾ, ദശകങ്ങളോളം ചുവപ്പ് ഭീകരതയുടെ…

8 hours ago

ചക്കുളത്തുകാവിൽ നിലവറദീപം തെളിഞ്ഞു: ഇനി വ്രതശുദ്ധിയുടെ നാളുകൾ! കാർത്തിക പൊങ്കാല മഹോത്സവം നവംബർ 24ന്; ഭക്തിസാന്ദ്രമായി വിളംബര ഘോഷയാത്ര

ചക്കുളത്തുകാവ്: പ്രസിദ്ധ തീർത്ഥാടന കേന്ദ്രമായ ചക്കുളത്തുകാവ് ശ്രീഭഗവതി ക്ഷേത്രത്തിലെ കാർത്തിക പൊങ്കാല മഹോത്സവത്തിന് മുന്നോടിയായി നിലവറദീപം തെളിഞ്ഞു. പൊങ്കാലയുടെ വരവറിയിച്ചുകൊണ്ടുള്ള…

9 hours ago

അയ്യപ്പനു മുന്നിലെ ശപഥം പാലിച്ചു: 12 ദിവസത്തിനകം വിഗ്രഹ മോഷ്ടാക്കളെ പിടികൂടി ഉപ്പുതറ എസ്.എച്ച്.ഒ

ശബരിമല തീർത്ഥാടനത്തിന് മാലയിട്ട് വ്രതം ആരംഭിക്കുന്നതിനൊപ്പം ഒരു തീരുമാനവും എടുത്തിരുന്നു ഉപ്പുതറ എസ്.എച്ച്.ഒ ബേബി ബിജു. ചപ്പാത്ത് ക്ഷേത്രത്തിലെ വിഗ്രഹ…

12 hours ago

തിരുപ്പറംകുണ്ഡ്രത്ത് കാർത്തിക ദീപം വിവാദം: ദീപം തെളിയിക്കാനെത്തുന്നവർ ജീവനോടെ മടങ്ങില്ലെന്ന് ഭീഷണിയെന്ന് ആരോപണം, വീഡിയോ പുറത്ത്

തമിഴ്‌നാട്ടിലെ മധുര തിരുപ്പറംകുണ്ഡ്രം മലയിൽ കാർത്തിക ദീപം തെളിയിക്കുന്നതുമായി ബന്ധപ്പെട്ട വിവാദം പുതിയ തലത്തിലേക്ക്. ദീപം തെളിയിക്കാൻ മല കയറുന്ന…

13 hours ago

അമേരിക്കയിലേക്ക് കടത്തിയത് അഞ്ച് ലക്ഷം ഗുളികകൾ; അന്താരാഷ്ട്ര ലഹരിശൃംഖലയ്ക്ക് ഇന്ത്യയിൽ പൂട്ടിട്ട് എൻസിബി!

അന്താരാഷ്ട്ര ലഹരിമരുന്ന് കടത്ത് ശൃംഖലയ്ക്കെതിരെ നിർണായക നീക്കവുമായി ഇന്ത്യയുടെ നാർക്കോട്ടിക്സ് കൺട്രോൾ ബ്യൂറോ (എൻസിബി). അമേരിക്കൻ ഡ്രഗ് എൻഫോഴ്‌സ്‌മെന്റ് അഡ്മിനിസ്‌ട്രേഷനുമായി…

13 hours ago