കോഴിക്കോട്: സിവില്‍ സര്‍വ്വീസ് എന്നാല്‍ അസാധാരണ ജീനിയസ്സുകള്‍ക്ക് മാത്രം എത്തിച്ചേരാന്‍ കഴിയുന്ന ഏതോ ബാലികേറാമലയാണ് എന്ന് സങ്കല്പ്പം തിരുത്തി എഴുതുകയാണ് ശ്രീധന്യ സുരേഷ് എന്ന ഈ ആദിവാസി പെണ്‍കുട്ടി.
നല്ല റാങ്കോടെ സിവില്‍ സര്‍വ്വീസ് പാസ്സായ വിവരം നേരത്തേ തന്നെ വാര്‍ത്തയായിരുന്നു. ദുരിതങ്ങള്‍ക്കിടയിലും ഉയരങ്ങള്‍ കീഴടക്കിയ ശ്രീധന്യ കോഴിക്കോട് അസിസ്റ്റന്റ് കളക്ടര്‍ ട്രെയിനിയായി ചുമതലയേല്‍ക്കുകയാണ്.
വയനാട്ടിലെ കുറിച്യ സമുദായത്തില്‍ നിന്നുള്ള ഈ മിടുക്കിപെണ്‍കുട്ടി ഇന്ന് നമ്മുടെ നാടിന്റെ അധികാരത്തിന്റെ ഭാഗമാവും.
വയനാട്ടില്‍ പൊഴുതന പഞ്ചായത്തിലെ ഇടിയംവയല്‍ സ്വദേശിയായ ശ്രീധന്യ പട്ടികവര്‍ഗ വിഭാഗത്തിലെ കുറിച്യ സമുദായംഗമാണ്. തരിയോട് നിര്‍മല ഹൈസ്‌കുളിലായിരുന്നു ശ്രീധന്യയുടെ പ്രാഥമിക വിദ്യാഭ്യാസം.
കോഴിക്കോട് ദേവഗിരി കോളേജില്‍ നിന്ന് സുവോളജിയില്‍ ബിരുദമെടുത്ത ശേഷം കാലിക്കറ്റ് യൂണിവേഴ്സിറ്റി ക്യാമ്പസില്‍ നിന്ന് ബിരുദാനന്തര ബിരുദം പൂര്‍ത്തിയാക്കിയ ശേഷമായിരുന്നു ശ്രീധന്യ സിവില്‍ സര്‍വ്വീസ് സ്വന്തമാക്കിയത്. വയനാട്ടിലെ ആദ്യ സിവില്‍ സര്‍വ്വീസുകാരി കൂടിയാണ് ശ്രീധന്യ. സിവില്‍ സര്‍വീസില്‍ 410-ാം റാങ്കാണ് ശ്രീധന്യ കരസ്ഥമാക്കിയത്
കടുത്ത സാമ്പത്തിക പ്രതിസന്ധിയും ജീവിത പ്രാരാബ്ധങ്ങളും മറികടന്നാണ് ശ്രീധന്യ തിളക്കമാര്‍ന്ന നേട്ടം കൈവരിച്ചത്. കേരളത്തിന്റെ ചരിത്രത്തില്‍ ഇതാദ്യമായാണ് ആദിവാസി വിഭാഗത്തില്‍ നിന്നുള്ള ഒരു പെണ്‍കുട്ടിക്ക് സിവില്‍ സര്‍വീസ് ലഭിക്കുന്നത്.
ഇന്ത്യയില്‍ ഒരു വര്‍ഷം സിവില്‍ സര്‍വ്വീസില്‍ കയറുന്ന ഉദ്യോഗാര്‍ത്ഥികളില്‍ ഏതാണ്ട് പത്തു ശതമാനം പേരും ഉയര്‍ന്ന നിലകളിലുള്ള ജീവിത സാഹചര്യത്തില്‍ നിന്നുള്ളവരാണ്. അവര്‍ ഉയര്‍ന്ന ഫീസ് നല്‍കി, പ്രത്യേക പരിശീലനം ലഭിച്ച്് പരീക്ഷയെഴുതുമ്പോള്‍ ബാക്കിയെല്ലാവരും സ്വയം പഠിച്ചു, കഷ്ടപ്പെട്ട്, അധ്വാനിച്ചാണ് ഈ കടമ്പ കടക്കുന്നത്. അതിലൊരാളാണ് ശ്രീധന്യ സുരേഷ്.
കൃത്യമായ ആസൂത്രണം, ലക്ഷ്യബോധം, കഠിനാധ്വാനം, ക്ഷമ, തീരുമാനമെടുക്കാനുള്ള കഴിവ്, സ്ഥിരോത്സാഹം, ഇത്രയും മതി സിവില്‍ സര്‍വ്വീസിലേക്കുള്ള ഷോര്ട്ട് കട്ടുകള്‍ എന്ന് ഈ മിടുക്കി തെളിയിച്ചുകഴിഞ്ഞു.
തന്റെ സാഹചര്യത്തെയും, സമൂഹത്തെയും, വിധിയെയും ശപിച്ചും പഴിച്ചും ശ്രീധന്യ ജീവിതം തള്ളിനീക്കാന്‍ തയ്യാറായില്ല.ലോകം എന്നും വിജയിക്കുന്നവന്റെ കൂടയെ നില്‍ക്കൂ, വിജയം എന്നത് അതിനെ തപസ്സുചെയ്യുന്നവരുടെ കൂടയും. നമ്മുടെ പുതുതലമുറ ശ്രീധന്യയില്‍ നിന്നും ഉള്‍ക്കൊള്ളേണ്ട വലിയ ഒരു പാഠമാണിത്.
വാഷിങ്ടൺ: നിയമപരമായ രേഖകളില്ലാതെ അമേരിക്കയിലെത്തിയ കുടിയേറ്റക്കാർക്ക് തടങ്കലിൽ കഴിയുമ്പോൾ വ്യക്തിഗത ജാമ്യഹിയറിംഗ് ആവശ്യപ്പെടാൻ ഭരണഘടനാപരമായ അവകാശമില്ലെന്ന് യുഎസ് ഫെഡറൽ അപ്പീൽ…
ശബരിമല ദർശനത്തിന് കാത്തിരിക്കുന്ന അയ്യപ്പഭക്തർക്ക് ആശ്വാസം; വെർച്വൽ ക്യൂ ബുക്കിംഗ് ഒക്ടോബർ 29 മുതൽ ആരംഭിക്കുന്നു! മണ്ഡല-മകരവിളക്ക് മഹോത്സവത്തിനായി കാത്തിരിക്കുന്ന…
കേരള പോലീസിൽ കുറ്റാന്വേഷണ മികവിലൂടെയും ആത്മാർത്ഥതയിലൂടെയും ശ്രദ്ധേയനായ വിജിലൻസ് ആൻഡ് ആന്റി കറപ്ഷൻ ബ്യൂറോ മരുതുംകുഴി ഇൻസ്പെക്ടർ ബിനീഷ് ലാൽ…
അരുണാചൽ: സോഷ്യൽ മീഡിയയിലൂടെ പ്രചരിക്കുന്ന എല്ലാ ദൃശ്യങ്ങളും വിശ്വസനീയമാണോ? രാജ്യത്തിന്റെ അതിർത്തി സുരക്ഷയുമായി ബന്ധപ്പെട്ട വിവരങ്ങൾ പോലും വ്യാജമായി നിർമ്മിച്ച്…
ഇസ്രായേൽ പൊതുതിരഞ്ഞെടുപ്പിന് മണിക്കൂറുകൾ മാത്രം ബാക്കിനിൽക്കെ, രാജ്യത്തിന്റെ പരമപ്രധാനമായ സുരക്ഷാ ഭീഷണികളെക്കുറിച്ച് പൗരന്മാരെ ബോധവൽക്കരിക്കുന്നതിനായി വിട്ടുവീഴ്ചയില്ലാത്ത നിലപാടുമായി പ്രധാനമന്ത്രി ബെഞ്ചമിൻ…
ഭാരതത്തിന്റെ അതിവേഗം വളരുന്ന ഡിജിറ്റൽ സാമ്പത്തിക മേഖലയെയും ബാങ്കിംഗ് സംവിധാനങ്ങളെയും അത്യാധുനിക രീതിയിൽ സുരക്ഷിതമാക്കാൻ ചരിത്രപരമായ ചുവടുവെപ്പുമായി കേന്ദ്ര സർക്കാർ.…