ഇന്ത്യ തിരിച്ചടിച്ചത് ശരിയായില്ല, ഇത് തെരഞ്ഞെടുപ്പ് അട്ടിമറിയ്ക്കാനുള്ള ബിജെപിയുടെ ശ്രമം: കോടിയേരി ബാലകൃഷ്ണൻ; കോടിയേരിയുടെ പ്രസ്താവനയ്‌ക്കെതിരെ വ്യാപക വിമർശനം

പാകിസ്ഥാനിലെ ഇന്ത്യൻ വ്യോമാക്രമണം ശരിയായില്ലെന്നും,അത് തെരഞ്ഞെടുപ്പു പ്രഖ്യാപിക്കുന്നതിനു മുൻപു യുദ്ധമുണ്ടാക്കി തെരഞ്ഞെടുപ്പ് അട്ടിമറിയ്ക്കാനുള്ള ബിജെപി,ആർ എസ് എസ് നീക്കമാണെന്നും സിപിഎം സംസ്ഥാനസെക്രട്ടറി കോടിയേരി ബാലകൃഷ്ണൻ.

രാജ്യത്തു മുസ്​ലിം വിരോധം സൃഷ്ടിച്ചു വർഗീയ ധ്രൂവികരണത്തിനാണ് ആർഎസ്എസ് ശ്രമമെന്നും കോടിയേരി പറഞ്ഞു.കശ്മീർ പ്രശ്നം രമ്യമായി പരിഹരിക്കുകയായിരുന്നു വേണ്ടത്,എന്നാൽ രാജ്യത്ത് യുദ്ധഭ്രാന്ത് ഉണ്ടാക്കാനാണ് ഈ ശ്രമമെന്നുമാണ് കോടിയേരി പറഞ്ഞത്.

40 സൈനികരുടെ വീരമൃത്യൂവിന് ഇന്ത്യ നൽകിയ തിരിച്ചടിയിൽ രാജ്യം ഒന്നടങ്കം അഭിമാനിക്കുമ്പോൾ അതിനു വിരുദ്ധ നിലപാടാണ് സിപിഎം സംസ്ഥാനസെക്രട്ടറി കോടിയേരി ബാലകൃഷ്ണൻ സ്വീകരിച്ചിരിക്കുന്നത്.നിരവധി പേരാണ് ഈ പ്രസ്താവനയെ വിമർശിച്ച് രംഗത്ത് വന്നിരിക്കുന്നത്.