ഉപതെരഞ്ഞെടുപ്പ് നടത്താൻ പ്രയാസപ്പെടും

തിരുവനന്തപുരം: കുട്ടനാട്​, ചവറ നിയമസഭാ ഉപതെരഞ്ഞെടുപ്പ്​ നടത്തുന്നതില്‍ പ്രായോഗിക പ്രശ്​നങ്ങളു​ണ്ടെന്ന്​ മുഖ്യതെരഞ്ഞെടുപ്പ്​ ഒാഫിസര്‍ ടിക്കാറാം മീണ. ​ അതിൽ അന്തിമ തീരുമാനമെടുക്കുന്നത്​ കേന്ദ്ര ​കമ്മീഷനായിരിക്കും. തെരഞ്ഞെടുപ്പ്​ നടത്തണമെങ്കില്‍ മേയ്​ അവസാനമോ ജൂണ്‍ ആദ്യമോ നടത്തണം. മേയ്​ മൂന്നിന്​ ശേഷമുള്ള സാഹചര്യം വിലയിരുത്തി ഇക്കാര്യത്തില്‍ തീരുമാനമെടുക്കുമെന്നും അദ്ദേഹം മാധ്യമങ്ങളോട്​ പറഞ്ഞു.

നിയമസഭയുടെ കാലാവധി അവസാനിക്കുന്നതിന്​ ഒരു വര്‍ഷമെങ്കിലും കാലാവധി ഉണ്ടെങ്കിലാണ്​ തെരഞ്ഞെടുപ്പ്​ നടക്കുക. കൂടാതെ തദ്ദേശ വാര്‍ഡ്​ വിഭജന നടപടികളും നിലച്ചിരിക്കുകയാണ്​. എന്നാൽ വാര്‍ഡ്​ വിഭജനം ഒഴിവാക്കണമെന്നും ആവശ്യമുയര്‍ന്നിട്ടുണ്ട്​.ഒക്​ടോബര്‍ – നവംബര്‍ മാസങ്ങളില്‍ തദ്ദേശ പൊതുതെരഞ്ഞെടുപ്പ്​ നട​ക്കണം. കോവിഡ്​ തെരഞ്ഞെടുപ്പിനെ ബാധിക്കുമോ എന്ന ആശങ്കയും ഉയര്‍ന്നിട്ടുണ്ട്​.