കേരളത്തിലെ കൊവിഡ് മരണം: പ്രോട്ടോക്കോള്‍ അനുസരിച്ച് സംസ്‌കാരം

കൊച്ചി: സംസ്ഥാനത്ത് കൊവിഡ് ബാധിച്ച് മരിച്ച വ്യക്തിയുടെ സംസ്‌കാരം, മരണാനന്തരച്ചടങ്ങുകള്‍ ഒഴിവാക്കി പൂര്‍ണമായും പ്രോട്ടോക്കോള്‍ അനുസരിച്ച് നടത്തുമെന്ന് മന്ത്രി വി.എസ്.സുനില്‍ കുമാര്‍. കഴിഞ്ഞ മാര്‍ച്ച് 22 നാണ് മരിച്ച വ്യക്തിയെ ആശുപത്രി ഐസൊലേഷനില്‍ പ്രവേശിപ്പിച്ചത്.

ഗള്‍ഫില്‍ നിന്നും വരുമ്പോള്‍ ഇദ്ദേഹത്തിന് ഉയര്‍ന്ന രക്തസമ്മര്‍ദ്ദവും ന്യുമോണിയയുമുണ്ടായിരുന്നു. കൊവിഡ് ബാധിച്ചതോടെ ആരോഗ്യനില വഷളാകുകയായിരുന്നു. എന്നാല്‍ മറ്റ് ആശങ്കകള്‍ ആവശ്യമില്ല.

ഇദ്ദേഹവുമായി ബന്ധം ഉണ്ടായിരുന്നവരുടെ ആരോഗ്യ നില തൃപ്തികരമാണെന്നും ചടങ്ങുകളെല്ലാം ഒഴിവാക്കി ആരോഗ്യപ്രവര്‍ത്തകരുടെ നിര്‍ദ്ദേശാനുസരണമാകും സംസ്‌കാരം നടത്തുകയെന്നും അദ്ദേഹം പ്രതികരിച്ചു.