കൊറോണയുടെ പശ്ചാത്തലത്തിൽ സിനിമ ഒരുക്കുമെന്ന് വ്യക്തമാക്കിയിരിക്കുകയാണ് പ്രശസ്ത തെലുങ്ക് സംവിധായകന്‍ പ്രശാന്ത് വര്‍മ്മ.
ദേശീയ അവാര്‍ഡ് കരസ്ഥമാക്കിയ സിനിമ ‘ഔവ്’ ഒരുക്കിയ സംവിധായകനാണ് പ്രശാന്ത് വര്‍മ്മ. കൊറോണ വൈറസിനെ ആസ്പദമാക്കിയുള്ള സിനിമക്കായി തിരക്കഥ ഒരുക്കുകയാണ്.
ഏപ്രിലില്‍ ഷൂട്ടിംഗ് ആരംഭിക്കണമെന്ന് കരുതിയിരുന്നതായും എന്നാല്‍ ഈ സാഹചര്യത്തില്‍ മാറ്റിവക്കുകയാണെന്നും പ്രശാന്ത് പറഞ്ഞു.
ഇക്കാര്യത്തെക്കുറിച്ച്‌ വിശദമായി ഗവേഷണം നടത്തിയ അദ്ദേഹം ജനുവരി ആദ്യം പ്രീ-പ്രൊഡക്ഷന്‍ ജോലികള്‍ ആരംഭിച്ചുവെന്ന് പറയുന്നു. പ്രശാന്ത് വര്‍മ്മ ഈ പ്രോജക്‌ട് സഹനിര്‍മ്മാണം നടത്തുമെന്ന് കേള്‍ക്കുന്നു.
