പശ്ചിമബംഗാളിലെ സി.പി.എം നേതാക്കള്‍ ഒരു കാര്യം മനസിലാക്കി പാര്‍ട്ടിക്ക് അടിത്തറ നഷ്ടമായെന്ന്. പോളിറ്റ് ബ്യൂറോ യോഗത്തിലാണ് നേതാക്കളുടെ
ഏറ്റുപറച്ചില്‍ നടന്നത് . പാര്‍ട്ടി ജനങ്ങളില്‍ നിന്ന് അന്യവത്ക്കരിക്കപ്പെട്ടിരിക്കുന്നു എന്ന് പി.ബിയില്‍ നേതാക്കള്‍ കുമ്പസാരം നടത്തി. ഇതിന്റെ അര്‍ത്ഥം
സി.പി.എം ജനങ്ങളില്‍ നിന്ന് അകന്ന് പോയിരിക്കുന്നു എന്നാണ്.
കഴിഞ്ഞ നിയമസഭാ തെരഞ്ഞെടുപ്പില്‍ പാര്‍ട്ടിക്ക് ബംഗാളില്‍ ഉണ്ടായ തിരിച്ചടിയെ
കുറിച്ചാണ് നേതാക്കളുടെ ഈ കുറ്റസമ്മതം. പാര്‍ട്ടി സംവിധാനം തെരഞ്ഞെടുപ്പില്‍ ഫലപ്രദമായി ഉപയോഗിക്കാന്‍ കഴിഞ്ഞിട്ടില്ല എന്നും നേതാക്കള്‍
സമ്മതിക്കുന്നുണ്ട്. തെരഞ്ഞെടുപ്പില്‍ വിവിധ പാര്‍ട്ടികളെ ഉള്‍പ്പെടുത്തി ഒരു മുന്നണിയായിട്ടാണ് സി.പി.എം മല്‍സരിച്ചത് എന്നിട്ടും ദയനീയ പരാജയം
ആയിരുന്നു ഫലം.
