രാജ്യത്ത് വൻ മയക്കുമരുന്ന് കടത്ത്! മുംബൈയിൽ നിന്ന് ഇന്ന് പിടികൂടിയത് 520 കോടിയുടെ കൊക്കെയ്ൻ

കഴിഞ്ഞ ഏതാനും ദിവസങ്ങളായി രാജ്യത്ത് നിന്ന് വൻ മയക്കുമരുന്ന് കടത്താണ് പിടികൂടിക്കൊണ്ടിരിക്കുന്നത്. ഇന്നും, പഴം ഇറക്കുമതിയുടെ മറവിൽ ലഹരി കടത്തുന്നതിനിടെ മുംബൈയിൽ ഒരു കണ്ടെയ്‌നർ കൂടി പിടികൂടിയിട്ടുണ്ട്. ലഹരി കടത്തിയ കേസുമായി ബന്ധപ്പെട്ട് അറസ്റ്റിലായ വിജിൻ നേരത്തെ അയച്ച കണ്ടെയ്‌നറിലാണ് ലഹരി വസ്തുക്കൾ കണ്ടെത്തിയത്. ഗ്രീൻ ആപ്പിൾ കൊണ്ടുവരുന്ന കണ്ടെയ്‌നറിൽ നിന്ന് 520 കോടി രൂപയുടെ ലഹരി പിടികൂടി. രാജ്യത്തേക്ക് ലഹരിക്കടത്ത് വർധിപ്പിക്കാൻ ഒരു അന്താരാഷ്‌ട്ര ഗൂഡാലോചന കേന്ദ്ര രഹസ്യാന്വേഷണ ഏജൻസികൾ കണ്ടെത്തിയിരുന്നു. അതുകൊണ്ടുതന്നെ ഇതിനെതിരെ കടുത്ത നടപടികൾ കൈക്കൊള്ളുകയാണ്. ഇപ്പോൾ രാജ്യത്ത് നടക്കുന്നത് ചരിത്രത്തിലെ തന്നെ ഏറ്റവും വലുതും വിപുലവുമായ ലഹരിവിരുദ്ധ നീക്കമാണ്. രഹസ്യാന്വേഷണ ഏജൻസികളായ ഇന്റലിജിൻസ് ബ്യുറോ, RAW ലഹരി വിരുദ്ധ ഏജൻസിയായ NCB, NIA, DRI തുടങ്ങിയ ഏജൻസികളെല്ലാം ഈ ലഹരിവേട്ടയിൽ പങ്കെടുക്കുന്നുണ്ട്.