ദില്ലി : സ്പൈസ് ജെറ്റ് പൈലറ്റിനും കോവിഡ് 19 സ്ഥിരീകരിച്ചു. മാര്ച്ച് 21ന് ചെന്നൈയില് നിന്നും ഡല്ഹിയിലേക്കുള്ള സര്വീസിലാണ് ഇദ്ദേഹം അവസാനമായി ജോലി ചെയ്തത്. വീട്ടില് നിരീക്ഷണത്തില് കഴിയുകയാണ് ഇദ്ദേഹം. ഇയാളുമായി നേരിട്ട് സമ്പര്ക്കം പുലര്ത്തിയ എല്ലാ ജീവനക്കാരോടും 14 ദിവസത്തേക്ക് നിരീക്ഷണത്തില് കഴിയാന് കമ്പനി നിര്ദ്ദേശിച്ചു. യാത്രക്കാരുടെയും ജീവനക്കാരുടെയും സുരക്ഷയ്ക്കാണ് മുന്ഗണന നല്കുന്നതെന്നും സര്ക്കാരും ലോകാരോഗ്യ സംഘടനയും പുറപ്പെടുവിച്ച മാര്ഗനിര്ദ്ദേശങ്ങള് ഗൗരവമായി പിന്തുടരുന്നുണ്ടെന്നും സ്പൈസ്ജെറ്റ് അധികൃതര് അറിയിച്ചു. കൂടാതെ , ജനുവരി അവസാനം മുതല് സ്പൈസ് ജെറ്റിന്റെ എല്ലാ വിമാനങ്ങളും അണുവിമുക്തമാക്കിയിട്ടുണ്ടെന്നും അദ്ദേഹം കൂട്ടിച്ചേര്ത്തു.