സ്വർണക്കടത്ത് കേസ് :ശിവശങ്കറിന്റെ വാട്സാപ്പ് ചാറ്റ് പുറത്ത്; ഫ്ലാറ്റ് വാടകയ്ക്ക് എടുത്ത് നൽകിയത് ശിവശങ്കർ പറഞ്ഞതിനെ തുടർന്ന് ; മുൻ പ്രിൻസിപ്പൽ സെക്രട്ടറിയുടെ കള്ളി വെളിച്ചത്ത്

സ്വർണക്കടത്ത് കേസ് :ശിവശങ്കറിന്റെ വാട്സാപ്പ് ചാറ്റ് പുറത്ത് ; ഫ്ലാറ്റ് വാടകയ്ക്ക് എടുത്ത് നൽകിയത് ശിവശങ്കർ പറഞ്ഞതിനെ തുടർന്ന് ; മുൻ പ്രിൻസിപ്പൽ സെക്രട്ടറിയുടെ കള്ളി വെളിച്ചത്ത്

തിരുവനന്തപുരം : സ്വർണക്കടത്ത് കേസിൽ മുൻ പ്രിൻസിപ്പൽ സെക്രട്ടറി എം ശിവശങ്കര്‍ പ്രതികള്‍ക്ക് ഫ്ലാറ്റ് വാടകയ്ക്കെടുത്ത് നല്‍കാന്‍ ഇടപെട്ടതിന് തെളിവ് പുറത്ത്. മുഖ്യമന്ത്രിയുടെ ഐടി ഫെലോ ആയിരുന്ന അരുണ്‍ ബാലചന്ദ്രന് ശിവശങ്കര്‍ അയച്ച വാട്സപ് സന്ദേശമാണ് ഇപ്പോൾ പുറത്തായിരിക്കുന്നത് . അരുൺ ബാലചന്ദ്രൻ തന്നെയാണ് തെളിവ് പുറത്ത് വിട്ടിരിക്കുന്നത് .

ഫ്ലാറ്റ് ആവശ്യപ്പെട്ടത് മേയ് 31 മുതല്‍ ആറുദിവസത്തേക്കാണെന്നും, ജയശങ്കർ എന്ന സുഹൃത്തിനും കുടുംബത്തിനും വീട് മാറുന്നതിനാൽ താൽക്കാലിക താമസത്തിന് ഫ്ലാറ്റ് വേണമെന്നാണ് ആവശ്യപ്പെട്ടതെന്ന് അരുൺ ബാലചന്ദ്രൻ വ്യക്തമാക്കി . ഇത് പ്രകാരം താനാണ് ഫ്ലാറ്റ് അന്വേഷിച്ച് കണ്ടെത്തി നൽകിയതെന്ന് അരുൺ പറഞ്ഞു. സെക്രട്ടേറിയറ്റിന് സമീപത്ത് ശിവശങ്കർ താമസിച്ചിരുന്ന അതേ ഫ്ലാറ്റ് സമുച്ചയത്തിലാണ് ഈ മുറിയും ഉള്ളത്. ഇതോടെ സ്വർണക്കടത്തിലെ ശിവശങ്കറിന്റെ പങ്ക് പുറത്തുവരികയാണ്.

ജയശങ്കർ സ്വപ്നയുടെ ഭർത്താവാണ്. സ്വപ്നയും സരിത്തും അടക്കമുള്ള പ്രതികൾ ഗൂഢാലോചന നടത്തിയത് സെക്രട്ടറിയേറ്റ് സമീപത്തെ ഫ്ളാറ്റ് കേന്ദ്രീകരിച്ചെന്നാണ് കസ്റ്റംസിന്‍റെ കണ്ടെത്തൽ. അരുൺ പറഞ്ഞതനുസരിച്ചെങ്കിൽ ശിവശങ്കർ സ്വപ്നയടക്കമുള്ള പ്രതികൾക്കായി കൂടുതൽ ഇടപെട്ടു എന്ന് വ്യക്തം.

2017 സെപ്റ്റംബർ മുതൽ 2019 ജുലൈ വരെ അരുൺ ബാലചന്ദ്രൻ സിഎം ഐടി ഫെല്ലോ എന്ന തസ്തികയിലായിരുന്നു ജോലി ചെയ്തിരുന്നത്. നിലവിൽ ശിവശങ്കറിന് കീഴിൽ ഹൈ പവർ ഡിജിറ്റൽ അഡ്വൈസറി കമ്മിറ്റിയുടെ മാർക്കറ്റിംഗ് ആന്‍റ് ഓപ്പറേഷൻസ് ഡയറക്ടർ ആണ് അരുൺ ബാലചന്ദ്രൻ. സർക്കാരിന്‍റെ ഐടി പദ്ധതികളുടയെല്ലാം പിന്നിൽ സജീവമായി പ്രവർത്തിക്കുന്ന വ്യക്തിയാണ് ഇയാൾ