കാര്‍ മരത്തില്‍ ഇടിച്ചുകയറി: വിനോദയാത്രയ്ക്കു പോയ കുടുംബത്തിലെ അച്ഛനും മകനും ദാരുണാന്ത്യം; ആറു പേര്‍ക്ക് പരിക്ക്

കോതമംഗലം: വിനോദയാത്രയ്ക്ക് പോയ കുടുംബത്തിലെ അച്ഛനും മകനും വാഹനാപകടത്തില്‍ (Accident) ദാരുണാന്ത്യം. ദേശീയപാതയില്‍ അയ്യങ്കാവില്‍ ഇന്ന് പുലര്‍ച്ചയക്കായിരുന്നു അപകടം. ഇവര്‍ സഞ്ചരിച്ചിരുന്ന കാര്‍(Car) മരത്തില്‍ ഇടിക്കുകയായിരുന്നു. അപകടത്തില്‍ ആറു പേര്‍ക്ക് പരിക്കേറ്റിട്ടുണ്ട്.
.
അരൂക്കുറ്റി പഞ്ചായത്ത് 7–ാംവാർഡ് കുറുവഞ്ചംകാട്ട് അബൂബക്കർ (70), മകൻ ഷെഫീക്ക്( 32) എന്നിവരാണ് മരിച്ചത്. ഇരുവരയെും ആശുപത്രിയില്‍ എത്തിച്ചപ്പോഴേക്കും മരിച്ചിരുന്നു. കുടുംബത്തോടൊപ്പം മൂന്നാറില്‍ വിനോദയാത്രയ്ക്ക് പോയി മടങ്ങുമ്പോഴായിരുന്നു അപകടം. കാർ ഡ്രൈവർ മേക്കാച്ചിലിൽ സിദ്ദിഖ്, മരിച്ച അബുവിന്റെ ഭാര്യ സീനത്ത് (62), ഷഫീഖിന്റെ ഭാര്യ സൂഫില(28), അനീസ(36), മുഹമ്മദ് സ്വാൻ(14), സുൽഫിക്കർ(20), അഷ്കർ എന്നിവരെ പരുക്കുകളോടെ കോതമംഗലത്ത് സ്വകാര്യ ആശുപത്രിയിൽ പ്രവേശിപ്പിച്ചു.