ഭാരതീയ വ്യാപാരി വ്യവസായി സംഘിന്റെ നാലാമത് സംസ്ഥാന സമ്മേളനം ഈ മാസം 16 ന് (വരുന്ന ഞായറാഴ്ച്ച ) തിരുവനന്തപുരം പ്രിയദർശിനി ഹാളിൽ വച്ച് നടക്കും. രാവിലെ പത്ത് മണിക്ക് ഗവർണർ ആരിഫ് മുഹമ്മദ് ഖാൻ സമ്മേളനം ഉദ്ഘാടനം ചെയ്യും.
”ധർമ്മത്തെ അടിസ്ഥാനമാക്കിയുള്ള വ്യാപാരവും ന്യായത്തെ അടിസ്ഥാനമാക്കിയുള്ള ലാഭവും” എന്ന ആപ്ത വ്യാകത്തിലധിഷ്ഠിതമായി വ്യാപാരി വ്യവസായികളെ, അവരുടെ ബിസിനസ് വിപുലപ്പെടുത്താനായി നിരന്തരം പ്രചോദിപ്പിക്കുന്ന സംഘടനയാണ് ഭാരതീയ വ്യാപാരി വ്യവസായി സംഘ്. കേരളത്തിലെ വ്യാപാരികളും വ്യവസായികളെയും ഒന്നിച്ച് ഒരു കുടക്കീഴിൽ നിർത്തുക എന്നതിനൊപ്പം രാഷ്ട്രനിർമ്മാണത്തിൽ പങ്കാളികളാകാൻ സംഘടന അവരെ പ്രോത്സാഹിപ്പിക്കുകയും ചെയ്യുന്നു.
വേദിയിൽ “ചാണക്യ പുരസ്കാരങ്ങൾ’ സമ്മാനിക്കും. ധാർമ്മിക മൂല്യങ്ങൾ ഉയർത്തിപ്പിടിച്ച് വിജയകരമായി ബിസിനസ്സ് ചെയ്യുന്നവർക്ക് ഭാരതീയ വ്യാപാരി വ്യവസായി സംഘം നൽകുന്ന പുരസ്കാരമാണ് ചാണക്യ പുരസ്കാരം. എം എസ് ഫൈസൽ ഖാൻ(നിംസ് മെഡിസിറ്റി), റാണി മോഹൻദാസ് (മോഹൻദാസ് ഗ്രൂപ്പ് ), ശശിധരൻ മേനോൻ (ശ്രീ ട്രാൻസ്വേസ് ), എൻ.ധനഞ്ജയൻ ഉണ്ണിത്താൻ(കോർഡിയൽ ഹോംസ് ), ഡോ.ഹരീഷ്. ജെ (ഡി റെനോൺ ബയോടെക്),അരുൺ വേലായുധൻ (റെയിൻബോ പ്രോപ്പർട്ടീസ് ഡെവലപ്പേഴ്സ് ), ഡോ.ബിജു രമേശ് (രാജധാനി ഗ്രൂപ്പ് ),എസ്. രാജശേഖരൻ നായർ(ഉദയ സമുദ്ര) എന്നിവരാണ് ഇക്കൊല്ലത്തെ പുരസ്കാരത്തിന് അർഹരായവർ.
രാഷ്ട്രമീമാംസയുടെയും സാമ്പത്തിക ശാസ്ത്രത്തിന്റെയും ആചാര്യനായി കണക്കാക്കപ്പെടുന്ന ചാണക്യന്റെ തത്വങ്ങൾ സാർവത്രിക പ്രസക്തിയുള്ളതാണ്. രാജ്യത്തിൻറെ സാമ്പത്തിക അഭിവൃദ്ധിയും ജനങ്ങളുടെ ക്ഷേമവും സംരക്ഷിക്കുന്നതിന്റെ പ്രാധാന്യത്തെക്കുറിച്ചുമാണ് രാഷ്ട്രമീമാംസയുടെയും സാമ്പത്തിക ശാസ്ത്രത്തിൻ്റെയും ആചാര്യനായി കണക്കാക്കപ്പെടുന്ന ചാണക്യന്റെ ഉപദേശങ്ങൾ. ‘ധർമ്മാധിഷ്ഠിത വ്യാപാരം ന്യായാധിഷ്ഠിത ലാഭാർത്ഥം’ എന്ന തത്വം അടിസ്ഥാനമാക്കി പ്രവർത്തിക്കുന്ന ഭാരതീയ വ്യാപാരി വ്യവസായി സംഘം ചാണക്യന്റെ പേരിൽ അവാർഡ് നൽകുന്നത് അതിനാലാണെന്ന് ഭാരവാഹികൾ അറിയിച്ചു.
സമ്മേളനത്തിന്റെ തത്സമയ ദൃശ്യങ്ങൾ തത്വമയി നെറ്റ്വർക്കിലൂടെ ലോകമെമ്പാടുമുള്ള പ്രേക്ഷകർക്ക് കാണാനാകുന്നതാണ്. ഇതിനായി https://bit.ly/TatwaLive എന്ന ലിങ്കിൽ പ്രവേശിക്കാവുന്നതാണ്
