പാകിസ്ഥാനിൽ പളളിയിലുണ്ടായ ചാവേർ ആക്രമണത്തിൽ മരിച്ചവരുടെ എണ്ണം 56ആയി.
പരിക്കേറ്റവരുടെ എണ്ണം 194 ആയി. പരിക്കേറ്റവരില് 50 പേരുടെ നില ഗുരുതരമാണെന്ന് പെഷവാര് ലേഡി റീഡിങ് ആശുപത്രി വക്താവ് മുഹമ്മദ് അസിം ഖാന് പറഞ്ഞു. പെഷവാറിലെ കിസ ഖ്വാനി ബസാർ മേഖലയിലെ പളളിയിലാണ് ബോംബ് സ്ഫോടനം ഉണ്ടായത്.
വെള്ളിയാഴ്ച്ച നിസ്കാരമായത് കൊണ്ട് ഈ മേഖലയില് വലിയ തിരക്കുണ്ടായിരുന്നു. അതുകൊണ്ട് മരിച്ചവരുടെ എണ്ണം ഇനിയും കൂടാന് സാധ്യതയുണ്ട്. പരിക്കേറ്റ പത്ത് പേരുടെ നില അതീവ ഗുരുതരമാണ്. അതേസമയം സ്ഫോടനത്തിന്റെ ഉത്തരവാദിത്തം ആരും ഏറ്റെടുത്തിട്ടില്ല. സംഭവത്തിൽ പെഷവാർ പോലീസ് അന്വേഷണം ആരംഭിച്ചിരിക്കുകയാണ്. ആക്രമണത്തെ പാകിസ്താൻ പ്രധാനമന്ത്രി ഇമ്രാൻ ഖാൻ അപലപിച്ചു. വെടിവയ്പ്പിൽ ഒരു ആക്രമിയും ഒരു പൊലീസുകാരനും കൊല്ലപ്പെട്ടു. ഒരു പൊലീസുകാരന് ഗുരുതരമായി പരിക്കേൽക്കുകയും ചെയ്തു. ഈ സമയത്ത് പള്ളിക്കകത്തുണ്ടായിരുന്ന അക്രമി ചാവേറാകുകയായിരുന്നുവെന്നാണ് പൊലീസ് പറയുന്നത്.
