യുഎഇ: സർക്കാർ ഓഫിസുകളുടെ പ്രവൃത്തി സമയത്തിൽ നിർണായക മാറ്റവുമായി യുഎഇ. ഇനി മുതല് ശനി, ഞായര് ദിവസങ്ങളിലായിരിക്കും അവധി. വെള്ളി ഉച്ചവരെ പ്രവൃത്തിദിനമായിരിക്കും. തിങ്കള് മുതല് വ്യാഴം വരെ രാവിലെ 7.30 മുതല് വൈകീട്ട് 3.30 വരെ ഓഫീസുകള് പ്രവര്ത്തിക്കും. ആഴ്ചയില് നാലരദിവസമായിരിക്കും പ്രവൃത്തിദിനങ്ങള്. ജനുവരി ഒന്നുമുതല് മാറ്റം പ്രാബല്യത്തിലാകും.
ദേശീയ പ്രവൃത്തി ദിനം അഞ്ചുദിവസത്തിലും താഴെയാക്കുന്ന ലോകത്തെ ആദ്യ രാജ്യമായി മാറും ഇതോടെ യുഎഇ. പ്രവൃത്തി ദിനങ്ങളില് എട്ട് മണിക്കൂര് വീതമാണ് പ്രവര്ത്തന സമയം. ജുമാ നമസ്കാരം ഇനിമുതൽ ഉച്ചയ്ക്ക് 1.15-ന് ആയിരിക്കും. ഉച്ചയ്ക്ക് 12.15ഓടെ നടക്കുന്ന ജുമാ നമസ്കാരമാണ് ഒരു മണിക്കൂർ മാറ്റിവയ്ക്കുന്നത്. ഇതിന് ശേഷമാകും വെള്ളിയാഴ്ച കുത്തുബ. ഒരു ഇസ്ലാമിക രാജ്യം സമീപകാലത്ത് എടുക്കുന്ന ഏറ്റവും വലിയ തീരുമാനമാണ് യുഎഇയുടേത്.

