ജംഷഡ്പുർ: ജാർഖണ്ഡിൽ മാവോയിസ്റ്റ് ഭീകരരുടെ ആക്രമണത്തിൽ അഞ്ച് പോലീസ് ഉദ്യോഗസ്ഥർ കൊല്ലപ്പെട്ടു. ജംഷഡ്പുരിനു സമീപം സരായികെല ജില്ലയിൽ കുർകു മാർക്കറ്റിനു സമീപമായിരുന്നു ആക്രമണം വെള്ളിയാഴ്ച വൈകുന്നേരമാണ് സംഭവം.
പൊലീസ് പട്രോളിംഗ് സംഘത്തിനു നേരെ ബൈക്കിലെത്തിയ പതിനഞ്ചോളം ഭീകരർ അക്രമം അഴിച്ചുവിടുകയായിരുന്നു. പൊലീസുകാരുടെ ആയുധവും ഇവർ കവർന്നു.
രണ്ട് എഎസ്ഐമാരും മൂന്നു കോൺസ്റ്റബിൾമാരുമാണ് കൊല്ലപ്പെട്ടത്. ആക്രമണത്തെ ജാർഖണ്ഡ് മുഖ്യമന്ത്രി രഘുബർദാസ് അപലപിച്ചു. പൊലീസുകാരുടെ ജീവത്യാഗം വെറുതെയാകില്ലെന്ന് അദ്ദേഹം പറഞ്ഞു. മാവോയിസ്റ്റുകൾക്കെതിരെ ശക്തമായ നടപടി ഉണ്ടാകും. ജാർഖണ്ഡിൽ മാവോയിസ്റ്റുകളുടെ അവസാന ദിവസം എണ്ണിത്തുടങ്ങിയെന്നും അദ്ദേഹം വ്യക്തമാക്കി.

