ദില്ലി : , മുൻ ഉപദേഷ്ടാവ് അണ്ണാ ഹസാരെയുടെ നേർക്ക് വിമർശനവുമായി അരവിന്ദ് കെജ്രിവാൾ. ചൊവ്വാഴ്ച്ച മാധ്യമങ്ങളോട് സംസാരിക്കവെ,അണ്ണാ ഹസാരെ-ബിജെപിയുമായി ചേർന്ന് അവരുടെ അജണ്ട പ്രചരിപ്പിക്കുന്നു എന്ന് ആരോപിച്ചു . മദ്യ കുംഭകോണവുമായി ബന്ധപ്പെട്ട് ഡൽഹി ഉപമുഖ്യമന്ത്രി മനീഷ് സിസോദിയയുടെ വസതിയിൽ സിബിഐ പകൽ മുഴുവൻ റെയ്ഡ് നടത്തിയതു മുതൽ എഎപി – ബിജെപിയുമായി തർക്കത്തിലായിരുന്നു. കേന്ദ്ര ഏജൻസി സിസോദിയക്ക് ക്ലീൻ ചിറ്റ് നൽകിയെന്ന് അദ്ദേഹം അവകാശപ്പെട്ടു.
കെജ്രിവാളിനെ അഭിസംബോധന ചെയ്ത ഒരു കത്തിൽ, സാമൂഹിക പ്രവർത്തകൻ അണ്ണാ ഹസാരെ, അഴിമതിക്കെതിരായ ഇന്ത്യ ദിനങ്ങളിൽ മദ്യശാലകളുമായി ബന്ധപ്പെട്ട തന്റെ നിലപാട് ഡൽഹി മുഖ്യമന്ത്രിയെ ഓർമ്മിപ്പിച്ചു. കഴിഞ്ഞ 35 വർഷമായി തന്റെ ഗ്രാമമായ റാലേഗാവ് സിദ്ധിയിൽ സിഗരറ്റോ മദ്യമോ വിൽക്കുന്നില്ലെന്ന വസ്തുതയെ കെജ്രിവാളും മനീഷ് സിസോദിയയും അഭിനന്ദിച്ചതായി പരാമർശിച്ച അദ്ദേഹം ആം ആദ്മി പാർട്ടി സ്ഥാപകൻ മറുകണ്ടം ചാടിയതിൽ വിലപിച്ചു. രാഷ്ട്രീയത്തിൽ ചേരുന്നതിന് മുമ്പ് 2012ൽ കെജ്രിവാൾ എഴുതിയ ‘സ്വരാജ്’ എന്ന പുസ്തകത്തിൽ നിന്ന് ചില വരികൾ ഉദ്ധരിച്ച് ആം ആദ്മി പാർട്ടി രൂപീകരിച്ചതിന് ശേഷം ഡൽഹി മുഖ്യമന്ത്രി തന്റെ തത്വങ്ങളും പ്രത്യയശാസ്ത്രവും ഉപേക്ഷിച്ചുവെന്ന് ഹസാരെ പറയുന്നു.
