ഇടുക്കി: കുട്ടിക്കാനത്ത് സമീപം ശബരിമല തീർത്ഥാടകർ സഞ്ചരിച്ച വാഹനം മറിഞ്ഞുണ്ടായ അപകടത്തിൽ എട്ട് പേര്ക്ക് പരിക്ക്. തിരുവണ്ണാമലയില് നിന്ന് ശബരിമലക്ക് പോയ വാഹനമാണ് അപകടത്തില്പ്പെട്ടത്.
ഡ്രൈവർ ഉൾപ്പെടെ 24 പേരാണ് വാഹനത്തിൽ ഉണ്ടായിരുന്നത്. അപകടത്തില് പരിക്കേറ്റ നാല് പേരെ പീരുമേട് താലൂക്കാശുപത്രിയിലേക്ക് മാറ്റി. മറ്റെല്ലാവരെയും സ്വകാര്യ ആശുപത്രിയില് പ്രാഥമിക ചികിത്സകള് നല്കി. ആരുടെയും നില ഗുരുതരമല്ല എന്നാണ് ലഭിക്കുന്ന വിവരം. വാഹനം റോഡരുകില് തന്നെ മറിയുകയായിരുന്നു.
