ദില്ലി : നിയമസഭകള് പാസാക്കുന്ന ബില്ലുകളില് ഗവര്ണര്മാര് സമയത്താമസമില്ലാതെ അതിവേഗം തീരുമാനമെടുക്കണമെന്ന് സുപ്രീം കോടതി നിർദേശിച്ചു. ഭരണഘടനയുടെ 200-ാം അനുച്ഛേദം ഇതാണ് ആവശ്യപ്പെടുന്നതെന്നും ചീഫ് ജസ്റ്റിസ് ഡി.വൈ. ചന്ദ്രചൂഡ്, ജസ്റ്റിസ് പി.എസ്. നരസിംഹ എന്നിവരടങ്ങിയ ബെഞ്ച് നിരീക്ഷിച്ചു.
നിയമസഭ പാസാക്കിയ ബില്ലുകളില് ഗവര്ണര് തമിഴിസൈ സൗന്ദരരാജന് തീരുമാനമെടുക്കുന്നില്ലെന്ന് കാട്ടി തെലങ്കാന സര്ക്കാര് ഫയല്ചെയ്ത ഹര്ജി പരിഗണിക്കവെയാണ് സുപ്രീംകോടതിയുടെ നിരീക്ഷണം. ബില്ലുകളിലെല്ലാം ഒപ്പുവെച്ചെന്ന് ഗവര്ണര് അറിയിച്ചതിനെത്തുടർന്ന് ഹര്ജി സുപ്രീം കോടതി തീര്പ്പാക്കി.
