ബെംഗളൂരു: കര്ണാക തെരഞ്ഞെടുപ്പിലെ പരാജയത്തില് ബിജെപി പ്രവര്ത്തകര് ആശങ്കപ്പെടേണ്ടതില്ലെന്ന് ബിജെപി മുതിര്ന്ന നേതാവ് ബിഎസ് യെദ്യൂരപ്പ പറഞ്ഞു. അതേസമയം പരാജയകാരണം വിലയിരുത്തുമെന്ന് അദ്ദേഹം മാദ്ധ്യമങ്ങളോട് പ്രതികരിച്ചു.
“വിജയവും പരാജയവും ബിജെപിക്ക് പുതിയ കാര്യമല്ല. ജനവിധിയെ ബഹുമാനത്തോടെ അംഗീകരിക്കുന്നു. തിരഞ്ഞെടുപ്പില് ഫലത്തില് ബിജെപി പ്രവര്ത്തകര് ആശങ്കപ്പെടേണ്ടതില്ല. പാര്ട്ടിക്കേറ്റ തിരിച്ചടിയെ ഞങ്ങള് വിശകലനം ചെയ്യും. പ്രധാനമന്ത്രി നരേന്ദ്രമോദിയുടെ മേല്നോട്ടത്തിലുള്ള കര്ണാടകയിലെ ബിജെപി സര്ക്കാര് നിരവധി വികസനപ്രവര്ത്തനങ്ങളാണ് സംസ്ഥാനത്ത് ഇതുവരെ നടപ്പിലാക്കിയത്. വികസനത്തിനായി എല്ലാ സഹകരണവും തുടര്ന്നും ഞങ്ങള് നല്കും ” – യെദിയൂരപ്പ പ്രതികരിച്ചു.
നിയമസഭാ തെരഞ്ഞെടുപ്പില് ഫലം പുറത്ത് വന്നുകൊണ്ടിരിക്കവെ കര്ണാടകത്തില് അപ്രതീക്ഷിതമായ തിരിച്ചടിയാണ് പാർട്ടിക്ക് നേരിടേണ്ടിവന്നത്. നിലവിൽ 136 സീറ്റുകളിലാണ് നിലവില് കോണ്ഗ്രസ് ലീഡ് ചെയ്യുന്നത്. 63 സീറ്റുകളില് ബിജെപിക്ക് മുന്തൂക്കമുണ്ട്.
